பிரபுவை அப்ஸெட்டாக்கிய மன்னன் ரீமேக செய்தி

பிரபுவை அப்ஸெட்டாக்கிய மன்னன் ரீமேக செய்தி

23 டிச,2016 - 15:35 IST

எழுத்தின் அளவு:

'சிவாஜி ஃபிலிம்ஸ்' நிறுவனம் தயாரிப்பில், பி.வாசு இயக்கத்தில் ரஜினிகாந்த், விஜயசாந்தி நடித்து 1992ல் வெளியாகி வெற்றி பெற்ற 'மன்னன்' படத்தை பி.வாசு மீண்டும் ரீமேக் செய்யவிருப்பதாக தகவல் வெளியானது.

ரஜினி, விஜயசாந்தி தவிர குஷ்பு, கவுடண்டமணி, விசு, பண்டரி பாய் ஆகியோரும் முக்கிய பாத்திரங்களில் நடித்த இப்படத்திற்கு இளையராஜா இசை அமைத்திருந்தார். இந்த படத்திற்காக இளையராஜா இசையில் கே.ஜே.யேசுதாஸ் பாடிய 'அம்மா என்று அழைக்காத உயிரில்லையே' என்ற பாடல் சூப்பர் ஹிட்டானது. ரஜினியும் சொந்தக்குரலில் அடிக்குது குளிரு என்ற பாடல் பாடியிருந்தார்.

அன்றைய தேதியில் வசூலில் சாதனை படைத்த மன்னன் படத்தை இயக்குநர் பி.வாசு மீண்டும் ரீ-மேக் செய்து இயக்க முடிவு செய்துள்ளார் என்றும், 'மன்னன்' ரீமேக்கிலும் ரஜினி நடித்த பாத்திரத்தில் ராகவா லாரன்ஸ் நடிக்கவிருக்கிறார் என்றும் சொல்லப்பட்டது.

அதுமட்டுமல்ல, 'மன்னன்' ரீ-மேக்கில் கவுண்டமணி நடித்த கேரக்டரில் வடிவேலுவும் நடிக்க இருக்கிறார் என்றும் கூறப்பட்டு வருகிறது. தற்போது ராகவா லாரன்ஸ் நடிப்பில் 'சிவலிங்கா' என்ற படத்தை இயக்கி வருகிறார் பி.வாசு. இந்த பட வேலைகள் முடிந்ததும் 'மன்னன்' படத்தின் ரீ-மேக் வேலைகளை துவங்குவார் என்றும், இந்த படம் சம்பந்தமான அதிகாரபூர்வ அறிவிப்பு விரைவில் வெளியாகும் என்றும் சொல்லப்படுகிறது.

இது பற்றிய செய்திகள் வெளியானதை கண்டு மன்னன் படத்தின் தயாரிப்பாளரான பிரபு அதிர்ச்சியடைந்துவிட்டாராம். காரணம்... மன்னன் படத்தின் ரீமேக் ரைட்ஸை அவர் இதுவரை யாருக்கும் விற்கவில்லையாம். இன்னும் சில வருடங்கள் கழித்து விக்ரம்பிரபுவை வைத்து மன்னன் படத்தை ரீமேக் செய்ய திட்டமிட்டிருந்த நிலையில் இப்படியொரு செய்தி வெளியாகி பிரபுவை அப்ஸெட்டாக்கிவிட்டதாக கூறப்படுகிறது.