8 ஆண்டுகளுக்கு பிறகு இயக்குநராக ரீ-என்ட்ரியாகும் விஜய் பட இயக்குநர்
22 டிச,2016 - 10:28 IST
விஜய்யை வைத்து புதிய கீதை எனும் படத்தை இயக்கியவர் இயக்குநர் கேபி ஜெகன். தொடர்ந்து கோடம்பாக்கம், ராமன் தேடிய சீதை படங்களை இயக்கினார். இதில் ராமன் தேடிய சீதை மட்டும் கொஞ்சம் சொல்லிக்கு கொள்ளும் அளவுக்கு இருந்தது. மற்றபடங்கள் எதிர்பார்த்த அளவுக்கு வெற்றி பெறவில்லை. ராமன் தேடிய சீதை படத்திற்கு பிறகு படங்கள் இயக்காமல் இருந்த ஜெகன், மாயாண்டி குடும்பத்தார் படத்தின் மூலம் நடிகரானார். தொடர்ந்து மிளகா, கோரிப்பாளையம் உள்ளிட்ட 10-க்கும் மேற்பட்ட படங்களில் நடித்தார்.
இந்நிலையில் 8 ஆண்டுகளுக்கு பிறகு மீண்டும் இயக்குநர் பக்கம் திரும்பியிருக்கிறார் ஜெகன். இவர் அடுத்தப்படியாக பெண்களுக்கு முக்கியத்துவம் வாய்ந்த ஒரு படத்தை இயக்க உள்ளார். இதில் ஆனந்தி முக்கியமான ரோலில் நடிக்கிறார். காமெடி கதாபாத்திரத்தில் யோகி பாபு நடிக்கிறார். இந்தாண்டு இறுதியில் படப்பிடிப்பு ஆரம்பமாக உள்ளது. படத்தின் அநேக காட்சிகள் கடலூர் மாவட்டத்தில் படமாக இருக்கிறது.
0 comments:
Post a Comment