ஆரம்பித்த சங்கத்தை கைகழுவினார் மன்சூரலிகான்

ஆரம்பித்த சங்கத்தை கைகழுவினார் மன்சூரலிகான்

21 டிச,2016 - 14:37 IST

எழுத்தின் அளவு:

மன்சூரலிகான் அதிரடி என்ற படத்தை தயாரித்து நடித்தபோது அவருக்கும், பெப்சி அமைப்புக்கும் மோதல் ஏற்பட்டது. இதனால் மன்சூரலிகான் நீதிமன்றம் சென்று பெப்சி தொழிலாளர்கள் இல்லாமலேயே தன் படத்தை எடுத்து முடித்தார். பின்னர் பெப்சி அமைப்புக்கு போட்டியாக டாப்சி என்ற அமைப்பை தொடங்கினார். இப்போது அந்த அமைப்பை கைகழுவி விட்டார். இது தொடர்பாக அவர் விடுத்துள்ள அறிக்கை வருமாறு:

2 ஆண்டுகளுக்கு முன்பு "அதிரடி" படத்தின் போது ஏற்பட்ட பிரச்னையின் காரணமாக டாப்சி என்ற அமைப்பை தொடங்கி தலைவராக இருந்து வந்தேன். பிரதமர் மோடியின் பணமதிப்பு மாற்ற கொள்கையின் காரணமாக படப்பிடிப்புகள் பெரும்பாலும் குறைந்து விட்டது, ஷூட்டிங் நடக்காததால் தொழிலாளர்கள் வேலையிழந்திருக்கிறார்கள்.

டாப்சி அமைப்பில் 700 உறுப்பினர்கள் இருக்கிறார்கள் அவர்களுக்கு வேலை தரவேண்டியது அவசியமாகிறது. அதோடு, பெப்சி அமைப்போடு இணக்கமான சூழலில் பல படங்களில் பணியாற்ற வேண்டியிருப்பதாலும், வரப்போகும் தயாரிப்பாளர் சங்க தேர்தல், நடிகர் சங்கம் உட்பட பல்வேறு திரைத்துறை அமைப்புகளில் நடைபெற உள்ள தேர்தல்களில் போட்டியிட உள்ளதாலும் டாப்சி என்ற அமைப்பின் தலைவர் பதவியில் இருந்து நான் ராஜினாமா செய்திருக்கிறேன். முறைப்படி தலைவர் பதவியில் இருந்து நான் ராஜினாமா செய்தாலும் சாதாரண உறுப்பினராக அதில் தொடர்ந்து நான் நீடிப்பேன். இவ்வாறு நடிகர் மன்சூர் அலிகான் கூறியிருக்கிறார்.