அங்கீகாரத்துக்கு ஏங்கும் அஞ்சனா கீர்த்தி

அங்கீகாரத்துக்கு ஏங்கும் அஞ்சனா கீர்த்தி

21 டிச,2016 - 12:47 IST

எழுத்தின் அளவு:

சமீபத்தில் வெளிவந்த சென்னை 28 படத்தின் இரண்டாம் பாகத்தில் விஜய் வசந்த் ஜோடியாக வடநாட்டு பெண் கேரக்டரில் நடித்தவர் அஞ்சனா கீர்த்தி. கேரளாவைச் சேர்ந்த அஞ்சனா கீர்த்தி 3 ஆண்டுகளுக்கு முன்பே சினிமாவுக்கு வந்து விட்டார். அழகிய பாண்டிபுரம் படத்தில் அறிமுகமானார். அதன் பிறகு திறந்திடு தீசே, அந்தாதி படங்களில் நடித்தார். நடித்த படங்கள் வெற்றி பெறாததால் அஞ்சனாவும் வெளிவரவில்லை.

ஜம்புலிங்கம் 3டி படத்தை மிகவும் நம்பினார். ஜப்பானில் இரண்டு மாதம் தங்கியிருந்து நடித்துக் கொடுத்தார். அந்த படமும் கைவிட்டது. நான்கு ஹீரோயின்களில் ஒருவராக இருந்தாலும் சென்னை 28 இரண்டாம் பாகம் ஒரு அடையாளத்தை கொடுத்திருப்பதில் சந்தோஷமாக இருக்கிறார். அடுத்து யாகன், தனி முகம் படங்களில் நடித்து வருகிறார்.

இந்த படங்கள் தனக்கென்று ஒரு அங்கீகாரத்தை பெற்றுத் தரும் என்று நம்பிக்கையோடு இருக்கிறார். சென்னை 28 இரண்டாம் பாகத்தில் வடநாட்டு பெண்ணாக நடித்திருப்பதால் தன்னை எல்லோரும் மும்பை மாடல் என்ற கருதுவதால் விதவிதமாக போட்டோக்கள் எடுத்து தயாரிப்பாளர்கள், இயக்குனர்களுக்கு அனுப்பி உள்ளார்.