ஹிருத்திக் ரோஷன் படத்தை பார்க்க ரஜினி ஆர்வம்

ஹிருத்திக் ரோஷன் படத்தை பார்க்க ரஜினி ஆர்வம்

22 டிச,2016 - 14:23 IST

எழுத்தின் அளவு:

ஹிருத்திக் ரோஷனின் காபில் படத்தை பார்க்க ஆர்வமாய் இருப்பதாக நடிகர் ரஜினிகாந்த் தெரிவித்திருக்கிறார். ராகேஷ் ரோஷன் தயாரிப்பில், சஞ்சய் குப்தா இயக்கத்தில் ஹிருத்திக் ரோஷன், யாமி கவுதம் நடித்துள்ள படம் ‛காபில்'. இதில் ஹிருத்திக்-யாமி இருவரும் கண்பார்வையற்றவராக நடித்திருக்கிறார். தற்போது இப்படத்தின் ஷூட்டிங் எல்லாம் முடிந்து போஸ்ட் புரொடக்ஷ்ன்ஸ் பணிகள் மும்முரமாய் நடந்து வருகிறது.

ஏற்கனவே காபில் படத்தின் ஒரு டிரைலர் வெளியாகி ரசிகர்களிடத்தில் நல்ல வரவேற்பை பெற்ற நிலையில் இருதினங்களுக்கு முன்னர் காபில் படத்தின் இரண்டாவது டிரைலரும் வெளியாகி அதுவும் வரவேற்பை பெற்றிருக்கிறது. இதனிடைய காபில் படத்தை பார்க்க தான் ஆர்வமாய் இருப்பதாக நடிகர் ரஜினிகாந்த் தெரிவித்துள்ளார்.

சமீபத்தில் நடிகர் ரஜினிகாந்த், தனது பிறந்தநாளை கொண்டாடினார். அவருக்கு ஹிருத்திக் ரோஷனின் தந்தையும், இயக்குநரும், தயாரிப்பாளருமான ராகேஷ் ரோஷன் போனில் வாழ்த்து தெரிவித்தார். அப்போது ரஜினி, ராகேஷ் ரோஷனிடம் காபில் படம் பற்றி பேசியிருக்கிறார். அதில், ‛‛காபில் படத்தின் தமிழ், தெலுங்கு, ஹிந்தி படங்களின் டிரைலரை பார்த்தேன். சூப்பராக இருந்தது. ஹிருந்திக்கின் நடிப்பு பிரமாதமாக இருந்தது. காபில் படத்தை பார்க்க நான் ஆர்வமாய் இருக்கிறேன்'' என்று கூறியுள்ளார்.

காபில் படம் அடுத்தாண்டு ஜன., 25ம் தேதி உலகம் முழுக்க ரிலீஸாகிறது. ஹிந்தி மட்டுமின்றி காபில் படம் தமிழில் ‛பலம்' என்ற பெயரில் டப்பாகி வெளிவர உள்ளது.