தியேட்டர்காரர்களை குற்றம் சாட்டி மோகன்லாலை காயப்படுத்திய நடிகர்..!

தியேட்டர்காரர்களை குற்றம் சாட்டி மோகன்லாலை காயப்படுத்திய நடிகர்..!

22 டிச,2016 - 08:23 IST

எழுத்தின் அளவு:

மலையாள சினிமாவின் மிக முக்கியமான குணச்சித்திர நடிகர்களில் ஒருவர் கணேஷ்குமார்.. அதுமட்டுமல்ல.. இவர் ஒரு எம்.எல்.ஏவும் கூட... மூன்றுமுறை எம்.எல்.ஏவாக தொடர்ந்து வீரநடை போட்டுவரும் இவர், நடிகர் சங்கத்திலும் முக்கிய பொறுப்பில் உள்ளார்.. குறிப்பாக மோகன்லாலின் நெருங்கிய நட்பு வட்டாரத்தில் இருப்பவர்களில் ஐவரும் ஒருவர். அதனால்தான் கடந்த கேரளா சட்டமன்ற தேர்தலின்போது இவருக்கு ஆதரவாக பிரச்சாரம் செய்தார். அதனாலேயே சில நடிகர்களின் விமர்சனத்துக்கு கூட ஆளானார் மோகன்லால்.

அப்படிப்பட்ட மோகன்லாலைத்தான் தற்போது தெரிந்தோ தெரியாமலோ தனது பேச்சால் காயப்படுத்தியுள்ளார் கணேஷ்குமார். கேரளாவில் தயாரிப்பாளர்களுக்கும் தியேட்டர் அதிபர்களுக்கும் இடையே கடந்த ஒரு வாரமாக பிரச்சனை நீடிப்பதால் புதிய படங்கள் எதுவும் ரிலீசாகவில்லை. இந்த விவகாரத்தில் தியேட்டர்காரர்களை குற்றம் சொல்லும் விதமாக நேற்று பேட்டியளித்தார் கணேஷ்குமார்.

அப்போது, “இவர்களுக்கு இதே வேலையாக போய்விட்டது. 'பிரேமம்' படம் 50 கோடி வசூலித்தபோதும், இப்படித்தான் சமபங்கு கொடுங்கள் என போர்க்கொடி தூக்கினார்கள்.. இப்போது 'புலி முருகன்' 100 கோடி வசூலித்தபோதும் அதேபோலத்தான் செய்கிறார்கள். பிரேமம் படத்திற்கும் 'புலி முருகன்' படத்திற்கும் இவர்கள் பிளாக்கில் டிக்கெட் விலையை அதிகரித்து விற்றதால் தான் அத்தனை கோடிகளை சம்பாதித்தது. ஆனால் அதிகமாக விற்றதில் தயாரிப்பாளர்களுக்கு பங்கு தரப்போகிரார்களா என்ன..?” என கட்டமாக கூறியுள்ளார்.

இதன்மூலம் 'புலி முருகன்' படம்' அதிக விலைக்கு டிக்கெட் விற்றதால் தான் 100 கோடி ரூபாயை தாண்டி வசூலித்தது என சொல்லாமல் சொல்லியுள்ளார். மோகன்லாலின் நண்பராக இருந்துகொண்டே இப்படி தேவையில்லாமல் 'புலி முருகன்' படம் பற்றியெல்லாம் இவர் பேசலாமா என மோகன்லால் தரப்பினரிடம் வருத்ததை ஏற்படுத்தியுள்ளது கணேஷ்குமாரின் செயல்..