நாங்க வேலைக்கு போயிட்டா... ஊரை யார் பாத்துக்கிறது: சினிமா டைட்டில்தான் இது

நாங்க வேலைக்கு போயிட்டா... ஊரை யார் பாத்துக்கிறது: சினிமா டைட்டில்தான் இது

21 டிச,2016 - 14:42 IST

எழுத்தின் அளவு:

வடிவேலுவின் புகழ்பெற்ற காமெடி வசனங்களை சினிமா டைட்டிலாக்குவது இன்றைய டிரண்ட். அந்த வரிசையில் அவர் பேசிய ஒரு வசனம்தான் "நாங்க வேலைக்கு போயிட்டா ஊரை யார் பாத்துக்கிறது" என்பதும். நீளமாக இருந்தாலும் பரவாயில்லை என்று அதனையே தலைப்பாக்கி ஒரு படத்தை உருவாக்கி வருகிறார்கள். எவர்கிரீன் என்டர்டெயினர்ஸ் நிறுவனம் சார்பில் எம்.விஜயகாந்த் தயாரிக்கிறார். ஆதி நடித்த அய்யனார் படத்தை இயக்கிய எஸ்.எஸ்.ராஜமித்ரன் இயக்குகிறார்.

படம் பற்றி அவர் கூறியதாவது: ‛‛இன்றைய தேதியில் ஒரு படம் ரசிகர்களிடம் நல்ல வரவேற்பை பெறவேண்டும் என்றால் அதற்கு முதல் தேவை நல்ல டைட்டில் தான். அது புதுமுகங்களோ, அல்லது ஓரளவு தெரிந்த முகங்களோ என்றாலும் கூட டைட்டில் கவனம் ஈர்க்க வேண்டும். அதற்காகத்தான் இப்படி ஒரு தலைப்பு.

ரவுடியிசம் தலைவிரித்தாடும் பகுதியில் வசிக்கும் இளைஞன் ஒருவன், கல்விதான் வாழ்க்கையில் முன்னேற்றம் தரும் என்கிற நம்பிக்கையுடன் கல்லூரியில் படித்து கோல்டு மெடல் வாங்குகிறான். ஆனால் காலம் அவனையும் ரவுடியாக மாற்ற முயற்சிக்கிறது. அவன் ரவுடியாக மாறினானா..? அல்லது தான் கற்ற கல்வியை வைத்து பிரச்சனைகளை சாதுர்யமாக எதிர்கொண்டானா என்பதுதான் படத்தின் கதைக்கரு. இதை காதல், காமெடி கலந்து சொல்ல இருக்கிறோம்'' என்கிறார் இயக்குனர்.

சமீபத்தில் வெளியான 'பட்டதாரி' படத்தில் நடித்த அபி சரவணன்-அதிதி இருவரும் இந்தப்படத்தின் மூலம் மீண்டும் ஜோடி சேர்ந்துள்ளனர். சஞ்சய் ஒளிப்பதிவை கவனிக்க, சேதுராஜா இசையமைக்கிறார்.