காக்கா முட்டை படத்தில் சின்ன காக்கா முட்டையாக நடித்தவர் ரமேஷ். அந்த படத்தில் அவரது நடிப்பு பேசப்பட்டதால் தற்போது டெய்லி பேப்பர் உள்பட இரண்டு படங்களில் முக்கிய கேரக்டர்களில் நடித்து வருகிறார்.
அதேபோல், சின்ன காக்கா முட்டை ரமேஷ், பெரிய காக்கா முட்டை விக்னேஷ் இருவரும் இணைந்து நயன்தாராவுடன் டோரா படத்தில் நடித்திருப்பவர்கள்,மலையாளத்திலும் காக்கா முட்டை பாணியில் ஒரு படத்தில் நடித்து வருகின்றனர்.
இந்நிலையில், சின்ன காக்கா முட்டை ரமேஷின் அண்ணன் ரஞ்சித்குமாரும் தற்போது 8 தோட்டாக்கள் -என்ற படத்தில் நடித்து வருகிறார். அதுபற்றி அவர் கூறுகையில், 8 தோட்டாக்கள் படத்தில் ஒரு ரவுடி வேடத்தில் நடிக்கிறேன். திருட்டுத்தனமான துப்பாக்கி விற்பனை செய்கிற வேடம்.
மேலும், எனக்கு சின்ன வயதில் இருந்தே நடிக்க வேண்டும் என்ற ஆசையெல்லாம் கிடையாது. எனது தம்பி ரமேஷ் காக்கா முட்டை படத்தில் நடித்த பிறகுதான் எனக்கும் நடிக்க வேண்டும் என்ற ஆசை ஏற்பட்டது.
மேலும், இனிமேல் எந்த மாதிரியான வேடம் என்றாலும் தொடர்ந்து நடிப்பேன் என்று கூறும் ரஞ்சித்குமார், தற்போது ஒரு கம்பெனியில் வேலை செய்து வருகிறேன். நடிப்பில் பிசியாகி விட்டால் வேலையை விட்டுவிட்டு முழுநேர நடிகராகி விடுவேன் என்கிறார்.
More
0 comments:
Post a Comment