ஜெயலலிதா மறைவுக்கு நடிகர் ரஜினிகாந்த் இரங்கல்

தமிழக முன்னாள் முதல்வர் ஜெயலலிதாவின் மறைவினால் இந்திய நாடே, தனது வீரப்புதல்வியை இழந்து தவிப்பதாக நடிகர் ரஜினிகாந்த் இரங்கல் தெரிவித்துள்ளார்.

உடல்நலக்குறைவால் சென்னை அப்போலோ மருத்துவமனையில் கடந்த 75 நாட்களாக சிகிச்சை பெற்று வந்த ஜெயலலிதா, இதயம் செயலிழந்ததால் நேற்று இரவு 11.30 மணிக்கு உயிரிழந்தார்.

அவரது மறைவுக்கு நாடு முழுவதும் பல்வேறு தலைவர்கள் இரங்கல் தெரிவித்து வருகின்றனர். அவரது மறைவு குறித்து டுவிட்டரில் இரங்கல் குறிப்பு வெளியிட்டுள்ள ரஜினி, தமிழ்நாடு மட்டுமல்ல, இந்திய நாடே வீரப்புதல்வியை இழந்து தவிக்கிறது. மரியாதைக்குரிய நம் முதல்வரின் ஆத்மா சாந்தி அடைய எல்லாம் வல்ல இறைவனை வேண்டுகிறேன் என்று பதிவிட்டுள்ளார்.

Summary in English : Actor Rajinikanth Shared his condolence to J.Jayalalithaa.