சல்மான் பிறந்தநாளுக்கு லூலியா வழங்கப்போகும் பரிசு
21 டிச,2016 - 14:04 IST
பாலிவுட்டின் முன்னணி நடிகராக வசூல் நாயகனாக திகழ்ந்து வருகிறார் நடிகர் சல்மான்கான். 50 வயதை கடந்துவிட்ட போதிலும் இன்னும் திருமணம் செய்யாமல் தான் கன்னி கழியாத பையன் என்று சொல்லி வருகிறார். சல்மான் வாழ்க்கையில் பல காதல்கள் கடந்து போய் உள்ளது. தற்போது அவர் ருமேனியாவை சேர்ந்த லூலியா வந்தூரை காதலிப்பதாக கூறப்படுகிறது. ஆனால் இதை இருவருமே மறுத்து வருகின்றனர். தாங்கள் இருவரும் நண்பர்கள் என்று கூறி வருகின்றனர்.
இந்நிலையில் லூலியா ஸ்டார்டஸ்ட் விருது வழங்கும் விழாவில் பங்கேற்றார். அப்போது அவரிடத்தில் சல்மானின் பிறந்தநாள் வருகிறது. நீங்கள் என்ன பரிசு வழங்கபோகிறீர்கள் என்று கேட்டபோது, இதற்கு பதிலளித்த லூலியா, ‛‛எனது அன்பும், மரியாதையும் தான்'' என்றார். தொடர்ந்து அவரிடத்தில் பிறந்தநாளுக்கு என்னமாதிரி திட்டம் வைத்துள்ளீர்கள் என்று கேட்டபோது, ‛‛நான் கொண்டாடுவேன்'' என்று மட்டும் கூறினார்.
0 comments:
Post a Comment