முடிவுக்கு வருகிறது கேரள தியேட்டர்கள் ஸ்ட்ரைக்..!
06 ஜன,2017 - 16:50 IST
கடந்த 23 நாட்களுக்கு மேலாக மலையாள திரையுலகம் தயாரிப்பளர்களின் போராட்டத்தால் முடங்கி கிடந்தது. காரணம் தியேட்டர் அதிபர்கள் கூட்டமைப்பினர் படத்தின் வசூலில் தங்களுக்கும் சரிபாதி பங்கு (50-50) தரவேண்டும் என விடாப்படியாக நின்றனர். ஆனால் தயாரிப்பாளர்கள் தரப்பில் இதற்கு கொஞ்சம் கூட மசியவில்லை. இதனால் ரிலீஸாக வேண்டிய பல படங்கள் முடங்கின. ஆனால் இப்போது பிரச்சனைக்கு தற்காலிக முடிவு கட்டப்பட்டுள்ளதாக தகவல் வெளியாகியுள்ளது.
இந்தப்பிரச்சனையில் கேரள முதல்வர் பினராயி விஜயனே நேரடியாக தலையிட்டு வேலைநிறுத்தத்தை விலக்கிக்கொள்ள சொல்லி தியேட்டர் அதிபர்களை அறிவுறுத்தியுள்ளார். இந்தப்பிரச்சனையை அலசி ஆராய்ந்து இதற்கு ஒரு நல்ல தீர்வை கண்டுபிடிப்பதற்காக விசாரணை கமிஷன் ஒன்றையும் அமைக்க பரிந்துரை செய்துள்ளார். இதனை தொடர்ந்து தியேட்டர் அதிபர்கள் தங்களது போராட்டத்தை கைவிட்டு, படங்களை ரிலீஸ் செய்யும் விதமாக இறங்கி வந்துள்ளனர். இந்தப்பிரச்சனைக்கு தீர்வு எட்டப்படும் வரை தற்போதுள்ள 40-60 என்கிற விகிதமே தொடர்வதற்கு தியேட்டர்காரர்கள் தரப்பில் ஒப்புக்கொண்டதாகவும் சொல்லப்படுகிறது.
0 comments:
Post a Comment