சண்டையிட்ட தயாரிப்பாளர்கள் ஒரேநாளில் சமரசம் ஆன அதிசயம்..!
07 ஜன,2017 - 15:26 IST
ஏற்கனவே கேரளாவில் தயாரிப்பளர்கள்-தியேட்டர் அதிபர்கள் பிரச்சனை ஒருபக்கம் ஓடிக்கொண்டு இருக்க, நேற்று முன்தினம் 'பிரைடே பிலிம் ஹவுஸ்' என்கிற தயாரிப்பு நிறுவனத்தின் பங்குதாரர்களான விஜய்பாபுவும் சான்ட்ரா தாமஸும் தங்களது கம்பெனியில் பங்கு பிரிக்கும் விவகாரம் தொடர்பாக மோதிக்கொண்டது இன்னொரு பக்கம் பலத்த அதிர்ச்சியை ஏற்படுத்தியது.. விஜய்பாபுவும் அவரது நண்பர்களும் தன்னை அடித்து உதைத்தார்கள் என பெயிலில் வரமுடியாதவாறு வழக்கு பதிவு செய்யுமாறு போலீசில் புகார் செய்துவிட்டு மருத்துவமனையில் சென்று சிகிசைக்காக சேர்ந்துவிட்டார் சான்ட்ரா தாமஸ்.
இதுகுறித்து விஜய்பாபுவும் போலீஸ் ஸ்டேஷன் சென்று சான்ட்ராவும் அவரது கணவரும் தன்னிடமிருந்து கம்பெனியை அபகரிக்க பார்க்கின்றனர் என குற்றம் சாட்டினார்.. நகமும் சதையுமாக இருந்த இவர்கள் இப்படி கீரியும் பாம்புமாக மோதிக்கொண்டது மிகப்பெரிய ஆச்சர்யத்தை ஏற்படுத்தியது.. ஆனால் என்ன மாயமோ தெரியவில்லை.. நேற்று விஜய்பாபு மீது கொடுத்த வழக்கை வாபஸ் பெற்றுக்கொண்ட சான்ட்ரா, தங்களுக்குள் இருந்த பிரச்சனைகள் பேசி தீர்க்கப்பட்டு விட்டது என்றும் தாங்கள் முன்போலவே நண்பர்களாக தயாரிப்பு பணியில் தொடர்வோம் என்றும், தங்களது நட்பை யாரும் பிரிக்க முடியாது என்றும் கூறியுள்ளார். இவர்கள் இருவருக்கும் இடையே இளம் முன்னணி நடிகர் ஒருவரும் இன்னும் சில நண்பர்களும் தலையிட்டு சமரசம் செய்துவைத்துள்ளார்கள் என்று சொல்லப்படுகிறது.
0 comments:
Post a Comment