Friday, January 6, 2017

டபுள் ஹீரோ கதையில் கௌதம் கார்த்திக்


டபுள் ஹீரோ கதையில் கௌதம் கார்த்திக்



07 ஜன,2017 - 10:36 IST






எழுத்தின் அளவு:








வாரிசு நடிகர்களில் சற்று பின்தங்கிய நிலையில் இருப்பவர் கௌதம் கார்த்திக்தான். மணிரத்னம் அறிமுகப்படுத்தியும் கூட இன்னும் க்ளிக் ஆகாமலே இருக்கிறார்.

இந்நிலையில் 'கலைப்புலி' எஸ்.தாணு தயாரிப்பில், அவரது மகன் கலாபிரபு இயக்கத்தில் 'இந்திரஜித்' என்ற படத்தில் நடித்து முடித்திருக்கிறார் கௌதம் கார்த்திக். இந்தப்படம் விரைவில் வெளியாகிறது. அதற்கான வேலைகளில் இறங்கிவிட்டார் தாணு.

இந்திரஜித் படம் தவிர கண்ணன் இயக்கத்தில் 'இவன் தந்திரன்' என்ற படத்திலும் நடித்து முடித்துள்ளார் கௌதம் கார்த்திக். தற்போது இந்த படத்தின் டப்பிங் வேலைகள் நடந்து வருகிறது. இந்த படங்களுடன் ராஜதுரை இயக்கத்தில் முத்துராமலிங்கம் என்ற படத்தில் தற்போது நடித்து வருகிறார்.

இந்த படத்தின் படப்பிடிப்பு முடிந்ததும் அறிமுக இயக்குனர் ஆறுமுக குமார் என்பவரது இயக்கத்தில் ஒரு படத்தில் நடிக்கவிருக்கிறார் கௌதம் கார்த்திக். நடுவுல கொஞ்சம் பக்கத்த காணோம் பட இயக்குனர் பாலாஜி தரணீதரனிடம் உதவியாளராக பணியாற்றியவர் ஆறுமுக குமார். இவர் இயக்கும் இந்த படமும் 'இந்திரஜித்' படம் மாதிரி ஆக்ஷன் அட்வென்ஞ்சர் கதையாம்.

இந்த படத்தில் இரண்டு கதாநாயகர்கள் நடிக்க இருக்கிறார்கள். கௌதம் கார்த்திக் உடன் இணைந்து நடிக்க உள்ள இன்னொரு கதாநாயக நடிகருக்கான தேர்வு மற்றும் கதாநாயகிகளின் தேர்வு தற்போது நடைபெற்று வருகிறது.


0 comments:

Post a Comment