எரியும் டயர் புகை நடுவில் சிக்கிய மோகன்லால்..!

எரியும் டயர் புகை நடுவில் சிக்கிய மோகன்லால்..!

04 பிப்,2017 - 12:30 IST

எழுத்தின் அளவு:

மேஜர் ரவி இயக்கத்தில் மோகன்லால் நடித்துவரும் '1971 ; பியாண்ட் தி பார்டர்ஸ்' படத்தின் படப்பிடிப்பு இப்போது மூன்றாவது கட்டத்தை எட்டியுள்ளது. இந்தநிலையில் சமீபத்தில் இந்தப்படத்தின் படப்பிடிப்பு அனுபவங்கள் குறித்து பகிர்ந்துகொண்ட படத்தின் இயக்குனர் மேஜர் ரவி, இந்தப்படத்தின் முதல் கட்ட படப்பிடிப்பு நடைபெற்றபோது தங்கள் படக்குழுவினர், குறிப்பாக படத்தின் ஹீரோ மோகன்லால் சந்தித்த சவால்களையும் சிரமங்களையும் பகிர்ந்துகொண்டார்..

இந்தப்படத்தின் ராணுவ போர் காட்சிகள் எல்லாம் ராஜஸ்தானில் தான் படமாக்கியுள்ளார் மேஜர் ரவி. ராஜஸ்தானில் பகலில் சுட்டெரிக்கும் வெயிலும், இரவில் கடுங்குளிரும் படக்குழுவினருக்கு சவாலாக இருந்தனவாம்.. இரவில் பாம்புகளின் தொல்லை அதிகம் என்பதால் அதற்கான காலுறை மற்றும் ஸ்பிரே ஆகியவற்றை பயன்படுத்தி தற்காத்துக்கொண்டனர்..

ராணுவ யுத்த காட்சியின்போது கிட்டத்தட்ட 50க்கும் அதிகமான டயர்களை கொளுத்தி அதை தீயிலும் புகையிலும் மோகன்லால் சம்பந்தப்பட்ட காட்சிகளை படமாக்கினாராம் மேஜர் ரவி. இதனால் மோகன்லாலுக்கு தொடர்ந்து உடல் ஒவ்வாமை ஏற்பட்டதாம். ஆனாலும் ஷூட்டிங்ஸ்பாட்டிலேயே அதற்கான ட்ரீட்மென்ட்டை எடுத்துக்கொண்டு படப்பிடிப்பில் தொடர்ந்து நடித்து கொடுத்தாராம் மோகன்லால்.