‛அண்ணாதுரை' தலைப்பு : திராவிட கட்சிகளை நாடும் விஜய் ஆண்டனி.?
04 பிப்,2017 - 17:40 IST
'சைத்தான்' படத்தைத் தொடர்ந்து விஜய் ஆண்டனி நடித்த எமன் படம் வரும் 24ஆம் தேதி வெளியாகவிருக்கிறது. 'எமன்' படத்தின் ஆடியோ வெளியீட்டு விழா இன்று நடைபெற்று முடிந்துள்ள நிலையில், விஜய் ஆண்டனி நடிக்கவிருக்கும் அடுத்த படம் குறித்து விஜய் ஆண்டனி தரப்பில் விசாரித்தோம். அப்படம் குறித்த தகவல்கள் தற்போது வெளியாகி உள்ளன. விஜய் ஆண்டனியின் அடுத்தப் படத்தை ராதிகா சரத்குமாரின் ராடான் மீடியா நிறுவனம் தயாரிக்கிறது. படத்தை அறிமுக இயக்குனர் சீனுவாசன் என்பவர் இயக்குகிறார்.
இந்தப்படத்திற்கு அண்ணாதுரை எனப் தலைபப்பு வைக்கப்பட்டிருப்பதாக தகவல் அடிபடுகிறது. திராவிடக்கட்சிகளின் முன்னோடியான புகழ்பெற்ற அரசியல் தலைவரான அண்ணாதுரையின் பெயரை படத்துக்கு தலைப்பாக சூட்ட இருப்பதால், படத்திலோ விஜய் ஆண்டனி ஏற்கும் கேரக்டரிலோ தப்பான விஷயங்கள் வந்துவிடக்கூடாது என்பதில் கவனமாக உள்ளனராம். குறிப்பாக, இது சம்மந்தமாக மிக கவனத்துடன் இருக்கிறாராம் விஜய் ஆண்டனி.
அதேசமயம், அண்ணாதுரை தலைப்பு எதிர்ப்பு வரலாம் என்று அச்சமும் விஜய் ஆண்டனிக்குள் இருக்கிறதாம். எனவே இதில் எந்த பிரச்னையும் வந்துவிடக்கூடாது என்பதற்காக முன்கூட்டிய திராவிட கட்சிகளின் தலைவர்களை சந்தித்து விஜய் ஆண்டனி பேச இருப்பதாக தகவல் வெளியாகியிருக்கிறது.
0 comments:
Post a Comment