பன்சாலி மீதான தாக்குதல் தவறானது - அர்ஷத் வர்சி
04 பிப்,2017 - 16:06 IST
பாலிவுட்டின் பிரபல நடிகரான அர்ஷத் வர்சி, தான் நடித்துள்ள இரடா படத்தை புரொமோஷன் செய்து வருகிறார். சமீபத்தில் அவர் பங்கேற்ற புரொமோஷன் ஒன்றில், இயக்குநர் சஞ்சய் லீலா பன்சாலி மீது நடந்த தாக்குதல் குறித்து மனம் திறந்தார்.
அவர் பேசுகையில், சினிமா துறையில் இருந்து அரசுக்கு அதிகப்படியான வரி போகிறது. ஆனால் எங்களைப்போன்ற சினிமாக்காரர்களுக்கு உரிய பாதுகாப்பு இல்லை. எப்போதுமே எங்களை குறிவைத்தே தாக்குதல் சம்பவம் நடக்கிறது. இதை யாரும் கண்டு கொள்வது கிடையாது. சஞ்சய் லீலா பன்சாலியின் மீது நடத்தப்பட்ட தாக்குதல் தவறான விஷயம், இதுபோன்று நடக்க கூடாது. இதுபோன்ற விஷயங்களை அரசு கருத்தில் கொள்ள வேண்டும் என்று கூறியுள்ளார்.
0 comments:
Post a Comment