விஷாலுக்கு வில்லனான அர்ஜூன்
06 பிப்,2017 - 15:47 IST
கதகளி, மருது, கத்தி சண்டை என தொடர்ந்து ப்ளாப் படங்களைக் கொடுத்து வரும் விஷால், தற்போது மிஷ்கின் இயக்கத்தில் 'துப்பறிவாளன்' படத்தில் நடித்து வருகிறார். கத்தி சண்டை படத்தை தயாரித்த பட நிறுவனமே துப்பறிவாளன் படத்தையும் தயாரிக்கிறது. இப்படத்தை தொடர்ந்து 'இரும்புத்திரை' படத்தில் நடிக்கிறார் விஷால். அறிமுக இயக்குனர் பி.எஸ்.மித்ரன் இயக்கும் இந்த படத்தில் வில்லனாக ஆர்யா நடிக்கிறார் என்று தகவல்கள் வெளியானது. ஆர்யா இப்படத்திலிருந்து விலகிவிட்டதால் இப்போது அவருக்கு பதிலாக அர்ஜுன் நடிக்கவிருக்கிறார். அர்ஜுனிடம் உதவி இயக்குனராக பணியாற்றியவர்தான் விஷால். தனது குரு என்பதால் அர்ஜூனுக்கு கணிசமான தொகையையும் சம்பளமாக கொடுத்திருக்கிறாராம் விஷால். விஷாலின், 'விஷால் ஃபிலிம் பேக்டரி' நிறுவனம் இந்தப் படத்தை தயாரிக்கிறது.
0 comments:
Post a Comment