சுசித்ராவை கைது செய்ய கோரி கமிஷனரிடம் புகார்

சுசித்ராவை கைது செய்ய கோரி கமிஷனரிடம் புகார்

05 மார்,2017 - 18:57 IST

எழுத்தின் அளவு:

சென்னை: பிரபல பின்னணி பாடகி சுசித்ரா மீது சென்னை கமிஷனர் அலுவலகத்தில் புகார் அளிக்கப்பட்டுள்ளது.

பிரபல பின்னணி பாடகி சுசித்ராவின் டுவிட்டரிலிருந்து திரைப்பிரபலங்களின் அந்தரங்க போட்டோக்களும், வீடியோக்களும் வௌியாகின. மேலும் இன்னும் பலரது லீலைகள் வௌியாகும் என்று தெரிவித்திருந்தார். இது திரையுலகினரை அதிர்ச்சிக்கு உள்ளாக்கியது. ஆனால் சுசித்ராவோ தனது டுவிட்டர் ஹேக் செய்யப்பட்டதாக கூறினார்.

இந்நிலையில் சுசித்ரா மீது சென்னை கமிஷனர் அலுவலகத்தில் இந்திய தேசிய லீக் கட்சியின் சார்பில் அதன் தலைமை நிலைய செயலாளர் ரசூல்மைதீன், நுண்ணறிவு பிரிவு உதவி ஆணையரை நேரில் சந்தித்து புகார் மனு அளித்துள்ளார்.

அந்த புகார் மனுவில் கூறியிருப்பதாவது: ‛‛நடிகை சுசித்ரா கார்த்திக், தன்னுடன் நடிக்கும் நடிகர், நடிகைகள் பற்றி தன்னுடைய டுவிட்டர் பக்கத்தில், அந்தரங்க புகைப்படம் மற்றும் வீடியோக்களை பதிவு செய்து வருகிறார்.

நடிகர், நடிகைக்குள் இருக்கும் சண்டையை சமூக வலைதளம் மூலம், இளைஞர்களை வக்கிர எண்ணத்தை தூண்டும் வகையில் புகைப்படம், வீடியோகளை பதிவு செய்வது கண்டிக்க தக்க செயலாகும்.

நடிகர், நடிகைகளை சமூக வலைதளங்களில் பின்பற்றக்கூடிய ரசிகர்கள், இளைஞர்கள் இருப்பார்கள். நடிகர், நடிகைகளின் சேட்டைத்தனத்தால், இளைஞர்கள் வழி தவற வாய்ப்பாக அமைந்துவிடும். ஆகவே காவல் துறை ஆணையர், சுசித்ரா கார்த்திக் மீது சட்டநீதியான நடவடிக்கை எடுத்து கைது செய்ய வேண்டும் என கூறப்பட்டுள்ளது.