படவேட்டையை தீவிரப்படுத்திய அட்டகத்தி நந்திதா!

படவேட்டையை தீவிரப்படுத்திய அட்டகத்தி நந்திதா!

04 மார்,2017 - 09:50 IST

எழுத்தின் அளவு:

நந்திதா நடித்த முதல் படமான அட்டகத்தி அவருக்கு சூப்பர் ஹிட்டாக அமைந்ததால் அதன்பிறகு அவர் மீண்டும் அட்டகத்தி தினேசுடன் உள்குத்து படத்தில் கமிட்டானபோது பெருத்த சந்தோசமடைந்தார். முதல் படத்தைப்போலவே தினேசுடன் நடிக்கும் இந்த படமும் செண்டிமென்டாக தனக்கு ஹிட்டாக அமையும் என்ற உற்சாகத்துடன் அந்த படத்தில் நடித்து வந்தார் நந்திதா. ஆனால் அப்படி அவர் பெரிய எதிர்பார்ப்புடன் நடித்த அப்படம் பல மாதங்களாக திரைக்கு வரமுடியாமல் கிடப்பில் கிடக்கிறது.

அதனால் அதன்பிறகு நந்திதாவுக்கு மெயின் ஹீரோயினாக நடிக்கும் படங்கள் கிடைக்கவில்லை. செல்வராகவனின் நெஞ்சம் மறப்பதில்லை படத்தில் எஸ்.ஜே. சூர்யாவின் மனைவியாக இரண்டு குழந்தைகளுக்கு அம்மாவாக நடித்திருப்பவர், தற்போது அரவிந்த்சாமியின் வணங்காமுடி படத்தில் நடித்து வருகிறார். ஆனால் இந்த படத்தில் சிம்ரன், ரித்திகாசிங் ஆகியோருக்கு முக்கியமான வேடங்கள் கொடுக்கப்பட்டுள்ளதாம். நந்திதாவை மூன்றாவது நாயகி ரேஞ்சுக்கு பின்தள்ளி விட்டார்களாம். அதன்காரணமாக, பெரிய நடிகரின் படம் என்று எத்தனை ஹீரோயினி என்றுகூட கேட்காமல் கமிட்டாகி, கேரக்டர் நடிகையாகி விட்டேனே என்று அப்படக்குழுவினரிடம் புலம்பிக்கொண்டிருக்கிறார் நந்திதா.

அதேசமயம், நடித்து வரும் இந்த படங்கள் திரைக்கு வருவதற்கு முன்பாக ஏதாவது புதிய படத்தில் கதாநாயகியாக கமிட்டாகி தனது ஹீரோயின் இமேஜை தக்க வைத்துக்கொள்ள வேண்டும் என்று திரைக்குப்பின்னால் சில மேனே ஜர்கள் மூலம் படவேட்டையை தீவிரப்படுத்தியிருக்கிறார் அட்டகத்தி நந்திதா.