அது நான் இல்லை - சஞ்சிதா ஷெட்டி
04 மார்,2017 - 17:54 IST
பிரபல பின்னணிப் பாடகியான சுசித்ராவின் டுவிட்டர் கணக்கிலிருந்து வெளியான பல அதிர்ச்சிகரமான வீடியோக்கள், போட்டோக்கள் திரையுலகினர் இடையே பெரும் பரபரப்பை ஏற்படுத்தியுள்ளது. அதுமட்டுமல்ல இன்னும் பல பிரபலங்களின் லீலைகள் வெளியாகும் என அதிர்ச்சி தகவலும் வெளியாகின. ஆனால் இது எல்லாவற்றையும் சுசித்ரா மறுத்துள்ளார். தனது டுவிட்டர் கணக்கை யாரோ ஹேக் செய்துவிட்டதாகவும், தான் எந்த கருத்தும் பதிவிடவில்லை என்றும் கூறியிருந்தார். இருந்தாலும் அவரது பெயரில் வெளியிடப்பட்ட போட்டோக்களில் நடிகை சஞ்சித ஷெட்டியின் நிர்வாண படமும் இடம்பெற்றிருந்தது.
இந்நிலையில் இதுகுறித்து சஞ்சிதா ஷெட்டி விளக்கம் வீடியோ வடிவில் அளித்துள்ளார். அதில் அவர் கூறியதாவது: ‛‛நேற்று முதல் டுவிட்டர் சமூகவலைத்தளத்தில் நடப்பதை நான் அறிவேன். சமூகவலைத்தளத்தில் உலவும் அந்த போட்டோ என்னுடையதல்ல, உங்கள் அனைவரின் அன்புக்கும், ஆதரவுக்கும் நன்றி'' என்று கூறியுள்ளார்.
0 comments:
Post a Comment