தயாரிப்பாளர் சங்கத் தேர்தலில் வன்முறை தடுக்க பாதுகாப்பு அதிகரிப்பு

தயாரிப்பாளர் சங்கத் தேர்தலில் வன்முறை தடுக்க பாதுகாப்பு அதிகரிப்பு

05 மார்,2017 - 14:58 IST

எழுத்தின் அளவு:

தமிழ் திரைப்படத் தயாரிப்பாளர் சங்கத்திற்கு வருகிற ஏப்ரல் 2ந் தேதி தேர்தல் நடக்கிறது. இந்த தேர்தலில் முன் எப்போதும் இல்லாத அளவிற்கு 5 அணிகள் போட்டியிடுகிறது. இதனால் தேர்தல் பரபரப்பாக நடக்கும் என்று தெரிகிறது. 5 அணியினரும் தற்போது ஓட்டு வேட்டையில் இறங்கி உள்ளனர். தேர்தல் பணிகள் குறித்து தேர்தல் அதிகாரியும், ஓய்வுபெற்ற நீதிபதியுமான எஸ்.ராஜேஷ்வரன் நேற்று நிருபர்களுக்கு அளித்த பேட்டி வருமாறு:

தேர்தலை முதலில் உட்லண்ட்ஸ் தியேட்டரில் நடத்துவதாக இருந்தோம். அந்த இடவசதி போதாது என்று கருதியதால் தற்போது அண்ணா நகர் கந்தசாமி நாயுடு கல்லூரி வளாகத்தில் நடத்துகிறோம். வேட்பாளர் இறுதி பட்டிலை வெளியிடப்பட்டு விட்டது. வாக்காளர் பட்டியல் சரிபார்க்கப்பட்டு 1212 பேர் வாக்களிக்க தகுதியுள்ளவர்களாக கண்டறியப்பட்டு இறுதி வாக்காளர் பட்டியலும் தயாராகிவிட்டது. தேர்தல் அதிகாரியான எனது கையப்பமிட்ட அடையாள அட்டை இருந்தால் மட்டுமே வாக்களிக்க முடியும்.

தேர்தல் பணிகள் அனைத்தும் வீடியோவில் பதிவு செய்யப்படும் பாதுபாப்பிற்காக கூடுதல் போலீஸ் பாதுகாப்பு கேட்கப்பட்டுள்ளது. பாதுகாப்பு பலப்படுத்தப்படுவதால் வன்முறை எதுவும் நடக்க வாய்ப்பில்லை. வாக்குப்பதிவு வளாகத்திற்குள் வாக்காளர்கள் தவிர வேறு யாருக்கும் அனுமதியில்லை. இவ்வாறு அவர் கூறினார்.