மம்முட்டி-துல்கர் வசூல் சாதனையை ஓவர்டேக் செய்த சின்ன ஹீரோ..!

மம்முட்டி-துல்கர் வசூல் சாதனையை ஓவர்டேக் செய்த சின்ன ஹீரோ..!

06 மார்,2017 - 09:16 IST

எழுத்தின் அளவு:

தமிழ் சினிமாவைப்போல மலையாள சினிமாவிலும் முதல்நாள் வசூலில் யார் சக்கரவர்த்தியாக இருக்கிறார் என்பதை ஒவ்வொரு நடிகர்களின் ரசிகர்களும் தங்களது கௌரவமாகவே பார்க்கிறார்கள். இதுநாள்வரை மலையாள சினிமாவின் முதல்நாள் வசூல் ரெக்கார்டு மோகன்லால் கையை விட்டு எங்கும் போகவில்லை.. இரண்டாம் இடத்தில் மம்முட்டி, துல்கர் சல்மான், பிருத்விராஜ் ஆகியோர் தான் மாறி மாறி இடம்பிடித்து வருகின்றனர்.

ஆனால் நேற்று முன் தினம் ஒரு வளர்ந்து வரும் நடிகரான டொவினோ தாமஸ் என்பவர் நடித்த படத்திற்கு எதிர்பாராத ஒப்பனிங் கிடைத்துள்ளது.. மேலும் சுமார் 3.25 கோடி படத்தின் முதல்நாள் வசூலாக கிடைத்துள்ளதாம். புலி முருகன் படம் தொடர்ந்து முதல் இடத்தில் இருக்க, 'ஒரு மெக்சிகன் அபராதா' படம் இரண்டாம் இடத்தை பிடித்துள்ளது. இதற்குமுன் துல்கர் சல்மான் நடித்த 'ஜோமோண்டே சுவிசேஷங்கள்' முதல்நாள் ஒப்பனிங் கலெக்சனாக வசூலித்த 2.71 கோடி மற்றும் அதனை தொடர்ந்த இடங்களில் இருக்கும் மம்முட்டி, பிருத்விராஜ் படங்களின் சாதனையையும் பின்னுக்கு தள்ளிவிட்டுள்ளது. மலையாள சினிமா உலகமே இந்த சாதனையை மிரட்சியாக பார்க்கிறது.