வில்லன் ஆன இயக்குனர்

வில்லன் ஆன இயக்குனர்

06 ஜூன், 2017 - 10:18 IST

எழுத்தின் அளவு:

குட்டிப்புலி, கொம்பன், மருது படங்களை இயக்கிய முத்தையா அடுத்து தற்போது இயக்கி வரும் படம் கொடிவீரன். இதில் குட்டிப்புலிக்கு பிறகு முத்தையாவுடன் இணைந்திருக்கிறார் சசிகுமார். மகிமா, சனுஷா, பூர்ணா நடிக்கிறார்கள். விதார்த் முக்கிய கேரக்டரில் நடிக்கிறார். தற்போது இதன் படப்பிடிப்புகள் சிவகங்கையை சுற்றியுள்ள பகுதிகளில் நடந்து வருகிறது.

இந்தப் படத்தின் வில்லனாக தயாரிப்பாளர் ஆர்.கே.சுரேஷ் நடிப்பதாக இருந்தது. ஆனால் அவர் இப்போது பல படங்களில் ஹீரோவாக நடிப்பதால் அவருக்கு பதிலாக மதயானைக்கூட்டம் படத்தை இயக்கிய விக்ரம் சுகுமாறன் வில்லனாக நடிக்க இருக்கிறார். இன்னும் சில நாட்களில் சிவகங்கையில் நடந்து வரும் படப்பிடிப்பில் கலந்து கொண்டு விக்ரம் சுகுமாறன் நடிக்க இருக்கிறார். விக்ரம் சுகுமாறன், சசிகுமார் மற்றும் முத்தையாவின் நண்பர் என்பதாலும் பட வாய்ப்புகள் எதுவும் இல்லாமல் இருப்பதாலும் இந்த வாய்ப்பு அவருக்கு வழங்கப்பட்டிருப்பதாக பட வட்டாரங்கள் தெரிவிக்கிறது.