கோலிவுட்டில் என்ட்ரியான அதிரடி வில்லன் ரன்வீர்சிங்!
14 ஜன,2017 - 10:49 IST
ஆர்.கண்ணன் இயக்கத்தில் கெளதம் கார்த்தி நாயகனாக நடித்துள்ள படம் இவன் தந்திரன். இப்படத்தின் இறுதிகட்ட பணிகள் தற்போது நடந்து கொண்டிருக்கிறது. இந்த படத்தில் முக்கிய வில்லனாக நடித்திருப்பவர் ஸ்டன்ட் மாஸ்டர் சூப்பர் சுப்பராயன். அவருடன் இணைந்து நடித்திருப்பவர் ரன்வீர்சிங். இந்த படத்தில் வில்லனுடன் இணைந்து நடித்திருக்கும் அவர், அடுத்தபடியாக கார்த்தி நடிக்கும் தீரன் அதிகாரம் ஒன்று என்ற படத்தில் இன்ஸ்பெக்டராக நடிக்கிறார்.
இதுபற்றி ரன்வீர்சிங் கூறுகையில், சினிமாவில் பெரிய வில்லனாக வேண்டும் என்பதுதான் எனது நோக்கம். அதற்காக எனது பாடிலாங்குவேஜை பக்காவாக மாற்றி விட்டு களத்தில் இறங்கியிருக்கிறேன். எனது ரோல் மாடல் இந்தி நடிகர் அம்ரிஸ் புரி, பிரகாஷ்ராஜ் ஆகிய நடிகர்கள்தான். இவர்களில் தமிழில் பிரகாஷ்ராஜ் போன்று ஒரு வில்லனாக வேண்டும் என்பதுதான் எனது ஆசை. அவர் நடித்த கில்லி, காஞ்சிவரம் போன்ற படங்கள் ரொம்ப பிடிக்கும். அவர் என்னை கவர்ந்த வில்லன் என்றாலும், ஒரு தனித்துவமான வில்லனாக வேண்டும் என்று அடுத்தபடியாக சில முன்னணி நடிகர்களின் படங்களில் ஷோலோ வில்லனாக நடிப்பதற்கான பேச்சுவார்த்தையில் இருக்கிறேன். விரைவில் அந்த படங்களில் கமிட்டாகி கோலிவுட்டில் அதிரடி வில்லனாக வலம்வருவேன் என்கிறார் ரன்வீர்சிங்.
0 comments:
Post a Comment