தாத்தா வேடத்தில் விஷாலின் தந்தை ஜி.கே.ரெட்டி!
01 பிப்,2017 - 08:56 IST
தமிழில் மிஷ்கின் இயக்கிய ஹாரர் படம் பிசாசு. பேய் படம் என்றாலும் அதை அப்பா மகள் செண்டிமென்ட் கதையில் இயக்கியிருந்தார் அவர். அந்த படத்தின் கன்னட ரீமேக்கான ரக்சாஷியில் நடிகர் விஷாலின் தந்தையும் தயாரிப்பாளருமான ஜி.கே.ரெட்டி தமிழில் ராதாரவி நடித்த கேரக்டரில் நடித்தார். அப்படத்தின் படப்பிடிப்பு சென்னையில் நடைபெற்றபோது அப்பாவின் நடிப்பை நேரில் சென்று பார்த்து ரசித்தார் விஷால்.
அதையடுத்து இப்போது ஏ.வெங்கடேஷ் இயக்கி வரும் நேத்ரா என்ற படத்திலும் நடிக்கிறார் ஜி.கே.ரெட்டி. பிசாசு கன்னட ரீமேக்கில் அப்பா வேடத்தில் நடித்த அவர், இந்த நேத்ரா படத்தில் கதாநாயகியின் தாத்தா வேடத்தில் நடித்து வருகிறார். அதற்காக தலையில் வெள்ளை நிற விக் அணிந்து நடித்து வரும் அவர், தாத்தா-பேத்தி சம்பந்தப்பட்ட செண்டிமென்ட் காட்சிகளில் சிங்கிள் டேக்கில் ஓகே செய்து யூனிட்டிடம் கைதட்டல் பெற்று வருகிறாராம்.
0 comments:
Post a Comment