பிரபு 60 -ரஜினி நேரில் வாழ்த்து
25 டிச,2016 - 13:45 IST
மறைந்த நடிகர் திலகம் சிவாஜி கணேசனின் இளைய மகனும், நடிகருமான பிரபு வருகிற டிசம்பர் 27-ந் தேதி தனது 60-வது பிறந்தநாளை கொண்டாடுகிறார். பிரபுவின் பிறந்தநாளையொட்டி நடிகர் ரஜினி நேரில் சென்று அவருக்கு வாழ்த்துக்களை தெரிவித்தார். ரஜினியும், பிரபுவும் சினிமாவையும் தாண்டி நிஜ வாழ்க்கையிலும் உடன்பிறவா சகோதரர்களாக இருந்து வருகின்றனர் என்பது அனைவருக்கும் தெரிந்ததே.
இந்நிலையில், பிரபுவின் பிறந்தநாளையொட்டி இன்று பிரபுவை அவரது இல்லத்தில் ரஜினி நேரில் சந்தித்து வாழ்த்துக்கள் தெரிவித்தார். இந்த சந்திப்பின் போது, நடிகர் விக்ரம் பிரபு மற்றும் பிரபு குடும்பத்தை சேர்ந்த அனைவரும் உடனிருந்தனர். ரஜினியும் பிரபுவும் 'குரு சிஷ்யன்', 'தர்மத்தின் தலைவன்', 'சந்திரமுகி' உள்ளிட்ட படங்களில் இணைந்து நடித்துள்ளனர். இருப்பினும், தன்னுடைய பிறந்தநாளை யொட்டி ரஜினி நேரில் வந்து வாழ்த்தியது பிரபுவையும் , அவரது குடும்பத்தாரையும் நெகிழ்ச்சியில் ஆழ்த்தியுள்ளது.
0 comments:
Post a Comment