பிருத்விராஜ் பட இயக்குனர் மீது டிசைனர் குற்றச்சாட்டு..!

பிருத்விராஜ் பட இயக்குனர் மீது டிசைனர் குற்றச்சாட்டு..!

11 ஏப்,2017 - 16:10 IST

எழுத்தின் அளவு:

பிருத்விரா-பாவனா இணைந்து நடித்துவரும் படம் தான் 'ஆடம் ஜான்'.. சமீபத்தில் நடந்த ஒரு கசப்பான நிகழ்வுக்குப்பின், அதிலிருந்து தேறி, பாவனா நடித்து வரும் இந்தப்படத்தின் பர்ஸ்ட் லுக் போஸ்டரை நேற்று முன் தினம் பிருத்விராஜ் வெளியிட்டார்.. கையில் துப்பாக்கியுடன் பிருத்விராஜ் போஸ் கொடுத்தபடி நிற்பதும் அதன் கீழே எழுதப்பட்ட “அவர்கள் அவளை தூரமாக எடுத்துச்சென்றார்கள்.. இப்போது அவன் அவர்கள் அனைவரையும் திரும்பி கீழே கொண்டுவருகிறான்” என்கிற டேக்லைனும் சேர்ந்து இது ஒரு ரிவென்ஜ் திரில்லர் என சொல்லாமல் சொல்கின்றன..

இந்தப்படத்தின் பர்ஸ்ட் லுக் போஸ்டருக்கு வரவேற்பு கிடைத்துள்ள அதே நேரத்தில் இந்த டிசைனை வடிவமைத்த ஜித்து சந்திரன் என்பவர் இந்தப்படத்தின் இயக்குனர் ஜினு ஆப்ரஹாம் மீது குற்றாசாட்டு ஒன்றை வைத்துள்ளார்.. இந்தப்படம் ஆரம்பிப்பதற்கு முன்பிருந்தே இந்தப்படத்தின் டைட்டில் டிசைனிங்கில் தானும் தனது குழுவும் பணியாற்றி வருவதாகவும் இதற்காக பலவிதமான டிசைன்களை உருவாக்கி கொடுத்ததாகவும் கூறியுள்ளார் ஜித்து சந்திரன்

ஆனால் கடந்த சில மாதங்களாக இயக்குனரை தன்னால் தொடர்புகொள்ள முடியவில்லை என்றும், அடுத்த கட்ட பணிகள் குறித்து குழப்பமான நிலையில் இருந்த சமயத்தில் தான் இந்தப்படத்திற்காக தாங்கள் டிசைன் செய்த பர்ஸ்ட் லுக் போஸ்டர் வெளியாகியுள்ளது என்றும் கூறியுள்ளார் ஜித்து சந்திரன். இதுகுறித்து, டைரக்டர் ஜின்னு ஆப்ரஹாம் தன்னிடம் முறைப்படி எந்த தகவலும் கொடுக்காமல் படத்திற்கு வேறு டிசைனரை மாற்றியுள்ளதோடு அவர்கள் பெயரிலேயே தான் வடிவமைத்த டிசைனை பயன்படுத்தி இருப்பது என்ன நியாயம் என குமுறியுள்ளார். மேலும் 'பெப்கா'வில் உறுப்பினராக உள்ள ஜித்து சந்திரன் இதுகுறித்து இயக்குனர் மீது புகார் அளிக்க இருப்பதாகவும் கூறியுள்ளார்.