தனுஷ் படத்தில் குஜராத் நடிகை!

தனுஷ் படத்தில் குஜராத் நடிகை!

06 ஜன,2017 - 08:35 IST

எழுத்தின் அளவு:

குஜராத்தில் இருந்து வந்த நமீதா தமிழ் சினிமாவில் பிரபலமானதை அடுத்து மோனல் கஜார் என்ற இன்னொரு குஜராத் நடிகையும் தமிழுக்கு என்ட்ரி கொடுத்தார். ஏற்கனவே இந்தி, தெலுங்கில் பல படங்களில் நடித்திருந்த அவர், தமிழில் விக்ரம் பிரபு நடித்த சிகரம்தொடு, கிருஷ்ணா நடித்த வானவராயன் வல்லவராயன் ஆகிய படங்களில் நடித்தார். ஆனால் பின்னர் படங்கள் கிடைக்காமல் தெலுங்கிற்கே திரும்பிய அவர், குஜராத் மொழியிலும் சில படங்களில் நடித்து வருகிறார்.

இந்நிலையில், தற்போது மீண்டும் அவர் தமிழுக்கு வந்திருக்கிறார். செளந்தர்யா ரஜினி இயக்கத்தில் தனுஷ் நடிக்கும் வேலையில்லா பட்டதாரி-2 படத்தில் கமிட்டாகியிருக்கிறார். இந்த படத்தின் முதல் பாகத்தில் நடித்த அமலாபால் மீண் டும் நாயகியாக நடிக்க, இன்னொரு முக்கியமான ரோலில் இந்தி நடிகை காஜோல் நடிக்கிறார். இந்நிலையில், மோனல் கஜார், விஐபி படத்தின் முதல் பாகத்தில் நடித்த சுரபி நடித்த ரோலை தொடருகிறாராம். தமிழில் எதிர்பார்த்தபடி நாயகி வேடங்கள் கிடைக்காததால் இந்த வாய்ப்பை பயன்படுத்தி புதிய படங்களை கைப்பற்ற திட்டமிட்டிருக்கிறாராம் மோனல்கஜார்.