ஹீரோவாக இருக்க விரும்புகிறேன், சூப்பர் ஹீரோவாக அல்ல - அக்ஷ்ய்
05 ஜன,2017 - 15:34 IST
பாலிவுட்டின் பிரபல நடிகர்களான ஷாரூக்கான், சல்மான்கான், அமீர்கான் போன்றவர்கள் கூட ஒரு வருடத்தில் ஒன்று அல்லது இரண்டு படங்களில் தான் நடிக்கிறார்கள். ஆனால் அக்ஷய் குமாரோ இந்தாண்டு மட்டும் ஏழு, எட்டு படங்கள் கைவசம் வைத்திருக்கிறார். இந்தாண்டில் மட்டும் அவரது நடிப்பில் நான்கு படங்கள் ரிலீஸாகும் என தெரிகிறது. சமீபத்தில் நடந்த ஒருவிழாவில் பங்கேற்ற அக்ஷய், தான் எதற்காக அதிக படங்களில் நடிக்கிறேன் என்று கூறினார்.
இதுப்பற்றி அக்ஷய் மேலும் கூறியதாவது... "ஹீரோவாக என் திறமையை வெளிப்படுத்த தான் அதிக படங்களில் நான் நடிக்கிறேன். ஒரு நாளும், சூப்பர் ஹீரோவாக இருக்க எண்ணியதில்லை. பாலிவுட்டில் நிறைய சூப்பர் ஹீரோக்கள் இருக்கிறார்கள், நான் ஹீரோவாகவே இருக்க விரும்புகிறேன், சூப்பர் ஹீரோவாக இல்லை" என்றார்.
அக்ஷய் குமார், தற்போது நடித்து வெளிவர இருக்கும் ‛ஜாலி எல்எல்பி-2 படம், அடுத்த மாதம் 10ஆம் தேதி ரிலீஸாக இருக்கிறது.
0 comments:
Post a Comment