சுசீந்திரன் இயக்கத்தில் விஷ்ணு விஷால், ஸ்ரீதிவ்யா, பார்த்திபன் ஆகியோர் நடித்துள்ள படம் ‘மாவீரன் கிட்டு.’
இமான் இசையமைத்துள்ளார்.
இதில் கருப்பு சட்டை போட்ட போராளியாக பார்த்திபன் நடித்துள்ளார்.
ஐஸ்வேர் சந்திராசாமி, தாய் சரவணன், ராஜீவன் ஆகியோர் இணைந்து இப்படத்தை தயாரித்துள்ளனர்.
இதன் பாடல்கள் வெளியீட்டு விழாவில் பார்த்திபன் கலந்து கொண்டு பேசியதாவது…
“நாட்டில் எவ்வளவோ பிரச்சினைகள் இருக்கின்றன. கன்டெய்னரில் இருந்த ரூ.570 கோடி என்ன ஆனது என்று தெரியவில்லை? காவிரி பிரச்சினை தீரவில்லை.
ஆனால் அதுபற்றியெல்லாம் கவலைப்படாமல் ‘தொடரி’ படத்தில் 150 கிமீ வேகத்தில் செல்லும் ரயிலில் கீர்த்தி சுரேஷின் பாவாடை ஏன் பறக்கவில்லை? என்று கேட்கிறார்கள் ரசிகர்கள்.
ஒரு சினிமாவை அந்தளவு அவர்கள் கவனிக்கிறார்கள். எனவே படம் எடுப்பவர்களும் கவனமாக இருக்க வேண்டும்.
ஸ்ரீதிவ்யா இந்த படத்தில் அடக்கமான பெண்ணாக நடித்து இருக்கிறார்.
‘மாவீரன் கிட்டு’ சுசீந்திரனுக்கு பெரும் வெற்றிப் படமாக அமையும்.”
இவ்வாறு பார்த்திபன் பேசினார்.
0 comments:
Post a Comment