Saturday, January 7, 2017

18 வருடங்கள் கழிந்தும் கூட மோகன்லால்-கமல் மீண்டும் இணைய வாய்ப்பு இல்லை..!


18 வருடங்கள் கழிந்தும் கூட மோகன்லால்-கமல் மீண்டும் இணைய வாய்ப்பு இல்லை..!



07 ஜன,2017 - 15:39 IST






எழுத்தின் அளவு:








ஒருகாலத்தில் சூப்பர்ஸ்டார் நடிகர்களை வைத்து சூப்பர்ஹிட் படங்களை இயக்கிய இயக்குனர்களுக்கு, இன்று அவர்களை வைத்து படம் இயக்க முடியவில்லையே என்கிற ஆதங்கம இருக்கத்தான் செய்யும்.. ஆனால் நடிகர்கள் தங்களை அப்டேட் பண்ணிக்கொள்வதுபோல இயக்குனர்கள் பலரும் தங்களை அப்டேட் பண்ணிக்கொள்ளாததால் விரைவிலேயே பீல்ட் அவுட் ஆகும் நிலைக்கு வந்துவிடுகின்றனர். மலையாள இயக்குனர் கமலும் கூட இந்த வகையில் தான் இருக்கிறார்..

கடந்த 2014ல் மம்முட்டியை வைத்து இவர் இயக்கிய 'உட்டோப்பியாயிலே ராஜாவு' படம் அட்டர் பிளாப்.. மம்முட்டியாவது, பாவம்-புண்ணியம் பார்த்து கமலுக்கு வாய்ப்பு தந்தார். ஆனால் மோகன்லால் நிச்சயம் அவரது படத்தை இயக்கும் வாய்ப்பை தரமாட்டார் என கமலே வெளிப்படையாக கூறுகிறாராம். “பல வருடங்களுக்கு முன்பு மோகன்லால் ஒரு நடிகராக இருந்தார். இன்று சூப்பர்ஸ்டாராக ஆகிவிட்டார். நடிகருக்கு என்னால் கதை பண்ணமுடியும். ஆனால் ஒரு சூப்பர்ஸ்டாருக்கும் அவரது ரசிகர்களுக்கும் சேர்த்து திருப்தி தரும் விதமாக என்னால் படம் இயக்க முடியாது. தவிர மோகன்லாலும் கூட நான் நெருங்கும் தூரத்தில் இல்லாமல் வெகு தொலைவுக்கு போய்விட்டார்” என காரணம் கூறியுள்ளார் இயக்குனர் கமல்.

இதற்குமுன் மோகன்லாலை வைத்து கமல் இயக்கிய 'ஆயாள் கதை எழுதுகயானு' படம் 1998 ஆம் ஆண்டு வெளியானது.. இப்போது இயக்குனர் கமல் கூறுவதை வைத்து பார்த்தால் 18 வருடங்கள் கழிந்தும் கூட மோகன்லால்-கமல் இனி மீண்டும் இணைய வாய்ப்பு இல்லை என்பது தெளிவாக தெரிகிறது.


0 comments:

Post a Comment