10 லட்சம் 'லைக்ஸ்' பெற்ற 'பாகுபலி 2' டிரைலர்
20 மார்,2017 - 16:05 IST
'பாகுபலி 2' படத்தின் டிரைலர் கடந்த வாரம் 16ம் தேதியன்று காலை வெளியானது. 24 மணி நேரத்தில் 5 கோடி பார்வைகளைக் கடந்து சாதனை படைத்த டிரைலர் தொடர்ந்து பல சாதனைகளைப் புரிந்து வருகிறது. இப்போது மேலும் ஒரு புதிய சாதனையைப் படைத்துள்ளது. இந்தியாவிலேயே அதிக லைக்குகளைப் பெற்ற டிரைலர் என்ற சாதனைதான் அது. யு டியூபில் நான்கு மொழிகளில் வெளியான இப்படத்தின் டிரைலரை, தெலுங்கில் 5 லட்சத்து 94 ஆயிரம் பேரும், ஹிந்தியில் 3 லட்சத்து 61 ஆயிரம் பேரும், தமிழில் 86 ஆயிரம் பேரும், மலையாளத்தில் 16 ஆயிரம் பேரும் லைக் செய்துள்ளனர். மொத்தமாக 10 லட்சம் லைக்குகளை 'பாகுபலி 2' டிரைலர் கடந்துள்ளது.
அது மட்டுமல்லாமல் 'பாகுபலி 2' தெலுங்கு டிரைலரின் பார்வை 3 கோடியைத் தாண்டியுள்ளது. ஹிந்தி டிரைலரின் பார்வை 2 கோடியே 50 லட்சத்தையும், தமிழ் டிரைலரின் பார்வை 47 லட்சத்தையும், மலையாள டிரைலரின் பார்வை 9 லட்சத்தையும் தாண்டியுள்ளது. யு டியூபில் மட்டும் இந்த டிரைலரின் பார்வை எண்ணிக்கை 6 கோடியே 21 லட்சத்தைத் தாண்டியுள்ளது. ஃபேஸ்புக் பார்வைகளின் எண்ணிக்கையைம் சேர்த்தால் 8 கோடியே 50 லட்சம் பேர் பார்த்துள்ளார்கள். இந்த சாதனை 96 மணி நேரத்தில் நிகழ்த்தப்பட்டுள்ளது.
'பாகுபலி 2' தெலுங்கு டிரைலருக்கு அதிகப் பார்வைகள் கிடைக்கும் என்பது எதிர்பார்த்த ஒன்றுதான். ஆனால், ஹிந்தி டிரைலருக்கும், தெலுங்கு டிரைலர் அளவிற்கு வரவேற்பு கிடைத்திருப்பது ஆச்சரியமாக உள்ளது என்கிறார்கள். 'பாகுபலி' படத்தின் முதல் பாகம் ஹிந்தியில் 100 கோடி வசூலைக் கடந்தது என்பது குறிப்பிடத்தக்கது. இரண்டாம் பாகத்தின் வசூல் முதல் பாகத்தை விட அதிகமாக இருக்கும் என்ற எதிர்பார்ப்பு இப்போது எழுந்துள்ளது.
0 comments:
Post a Comment