பிலிம்பேர் விருதுகளில் அக்ஷய் குமார் பெயர் இல்லை
12 ஜன,2017 - 16:55 IST
பாலிவுட்டின் முன்னணி ஹீரோக்களில் ‛மோஸ்ட் வாண்ட்டட்' ஹீரோவாக இருப்பவர் நடிகர் அக்ஷய் குமார். கடந்த ஆண்டு அக்ஷய் நடிப்பில் ஒன்றுக்கும் மேற்பட்ட படங்கள் வெளியாகி வெற்றி படமாக அமைந்தன. இந்தாண்டும் அவரது நடிப்பில் இரண்டு - மூன்று படங்கள் வெளியாகும் என தெரிகிறது.
சமீபத்தில் பிலிம்பேர் விருதுகளுக்காக பல்வேறு படங்கள் மற்றும் நடிகர்கள், டெக்னீஷியன்கள் பெயர்கள் பரிந்துரைக்கப்பட்டன. ஆனால் இந்த விருதுக்கான பட்டியலில் அக்ஷய் குமாரின் பெயர் இடம்பெறவில்லை. இத்தனைக்கும் ஹவுஸ்புல் -3, ரூஸ்டம் மற்றும் ஏர்லிப்ட் என மூன்று படங்கள் ஹிட்டாக அமைந்தன. இது அக்ஷ்ய் ரசிகர்களை சோகத்தில் ஆழ்த்தியுள்ளது.
‛‛பிலிம்பேர் விருதுகள் எல்லாம் விற்பனைக்கு தான், திறமைக்கு இல்லை..." என்று ரசிகர்கள் சிலர் பிலிம்பேர் விருது கமிட்டிக்கு எதிரான தங்களது கருத்துக்களை பதிவு செய்து வருகின்றனர்.
தற்போது அக்ஷய் குமார், இயக்குநர் சுபாஷ் கபூர் இயக்கத்தில் நடித்துள்ள படம் ‛ஜாலி எல்.எல்.பி 2', அடுத்த மாதம் 10ஆம் தேதி வெளியாக இருக்கிறது.
0 comments:
Post a Comment