ஜல்லிக்கட்டு... இனி கொல விழ போகுது - சற்குணம் கோபம்

ஜல்லிக்கட்டு... இனி கொல விழ போகுது - சற்குணம் கோபம்

13 ஜன,2017 - 15:20 IST

எழுத்தின் அளவு:

தடையை மீறி தமிழகத்தில் ஜல்லிக்கட்டு நடத்தியே தீருவோம் என்ற மனநிலைக்கு தமிழகம் வந்துவிட்டது. ஜல்லிக்கட்டு நடத்த அரசியல் கட்சியினரும், மாணவர்களும், ஜல்லிக்கட்டு ஆர்வலர்களும், திரையுலகினரும்... என பலரும் குரல் கொடுத்து வருகின்றனர். இந்நிலையில் களவாணி, வாகை சூட வா படங்களின் இயக்குநர் ஜல்லிக்கட்டு தொடர்பாக வீடியோ வடிவில் ஒரு கவிதை வெளியிட்டுள்ளார். அதில் அவர் கூறியிருப்பதாவது....

‛‛மாடு புடிக்கப் போறோம்டா ..

நாங்க மல்லுக்கட்ட வாறோம்டா ..

திமிரோடு இருக்கோம்டா..

நாங்க திமில புடிக்கப் போறோம்டா..

மாட்டுக்கு பொங்க வச்ச மனுசப் பய..

எங்கள நீ கொம்பு சீவி விட்டுட்ட..

எங்க கொலத்த அழிக்கப் பாத்துட்ட..

எங்க கொல சாமிய..

இறக்குவோண்டா களத்துல..

ஏந்துவோண்டா நெஞ்சில..

வாடிவாச பக்கங் கூட வந்ததில்ல நீங்க..

வைக்க புல்லு எல்லாம் போட்டு வளர்த்தவங்க நாங்க..

நாங்க பொங்க வச்சி ஊட்டுவோம்..

வீட்டில் போட்டா எடுத்து மாட்டுவோம்..

இதுக்கு மேல நெருக்குனா இனி யாருன்னு காட்டுவோம்..

இப்போ கொழுந்து விட்டு எரியிது..

இனி கொல விழுகப் போகுது”

இவ்வாறு சற்குணம் கூறியுள்ளார்.