Friday, April 7, 2017

தேசிய விருதால் கூடுதல் கவுரவம் - அக்ஷ்ய் மகிழ்ச்சி


தேசிய விருதால் கூடுதல் கவுரவம் - அக்ஷ்ய் மகிழ்ச்சி



07 ஏப்,2017 - 15:47 IST






எழுத்தின் அளவு:








அக்ஷ்ய் குமார் நடிப்பில் கடந்தாண்டு வெளிவந்த படம் ‛ருஸ்டம். நானாவதி என்ற கப்பல் படை அதிகாரியின் உண்மை வாழ்க்கைச் சம்பவங்களின் அடிப்படியில் உருவான படம் இது. அக்ஷ்ய் உடன் இலியானா, இஷா குப்தா உள்ளிட்ட பலர் நடித்திருந்தனர். டினு சுரேஷ் தேசாய் இயக்கியிருந்தார். இப்படம் வெளியானபோதே பல்வேறு பாராட்டுகளை பெற்றது. குறிப்பாக அக்ஷ்யின் நடிப்பை அனைவரும் பாராட்டினர். இந்நிலையில், இப்படத்திற்காக அக்ஷ்ய் குமாருக்கு சிறந்த நடிகருக்கான தேசிய விருது அறிவிக்கப்பட்டுள்ளது.

இதுப்பற்றி அக்ஷ்ய் குமார் மிகழ்ச்சியுடன் கூறியிருப்பதாவது... ‛‛நன்றி என்று ஒரு வார்த்தையில் கூறி விட முடியாது. தேசிய விருது தேர்வுகுழு, ரசிகர்கள் மற்றும் ருஸ்டம் படக்குழுவினர் அனைவருக்கும் நன்றி. தற்போது நான் இருக்கும் மகிழ்ச்சியை வெளிப்படுத்த வார்த்தைகள் இல்லை. இதை மிகப்பெரிய கவுரவமாக கருதுகிறேன்.

ருஸ்டம் படம் எனக்கு ரொம்பவே ஸ்பெஷல், இந்திய கப்பற்படையின் உடையை அணிந்து நடித்தது மிகப்பெரிய கவுரவம். அந்த கவுரவத்தோடு இப்போது தேசிய விருதும் கூடுதல் கவுரவம் சேர்த்திருக்கிறது. இந்த விருதை என் மனைவி டிவிங்கிள் கண்ணா மற்றும் என் பெற்றோருக்கு சமர்ப்பிக்கிறேன் என்று கூறியுள்ளார்.

அக்ஷ்ய் குமார் சினிமாவுக்கு வந்து கிட்டத்தட்ட 17 வருடங்களாகிவிட்டது. இத்தனை ஆண்டுகளில் அவர் எத்தனையோ வெற்றி படங்களில் நடித்திருக்கிறார். ஆனால் இப்போது தான் முதன்முறையாக தேசிய விருது பெற்றிருக்கிறார்.


0 comments:

Post a Comment