காமெடி நடிகரான உதவி இயக்குனர்
05 ஏப்,2017 - 10:55 IST
சமீபத்தில் வெளிவந்த கடுகு படத்தில் பரத் காதலிக்கும் சுபிக்ஷாவை ஒரு தலையாய் காதலிக்கும் காமெடி கேரக்டரில் நடித்திருந்தார் பரத் சீனி. நிஜத்திலும் அனிருத் ரசிகரான இவர் படத்திலும் அனிருத் ரசிகனாக நடித்திருந்தார். இவர் இயக்குனர் லிங்குசாமியிடம் உதவியாளராக இருந்தவர். லிங்குசாமி தயாரிப்பில் பத்து எண்றதுக்குள்ள படத்தை விஜய் மில்டன் இயக்கியபோது அவரது உதவியாளர் ஆனார். பரத் சீனியின் உடல் மொழியும், டைமிங் காமெடி சென்சும் விஜய்மில்டனுக்கு பிடித்து விடவே. கடுகு படத்தில் காமெடியானாகிவிட்டார்.
இந்தப் படத்திற்கு கிடைத்த வரவேற்பில் மேலும் சில பட வாய்ப்புகள் வந்திருக்கிறது. இதனால் தனது டைரக்ஷ்ன் ஆசையை மூட்டை கட்டி வைத்து விட்டு காமெடி நடிகராக தீர்மானித்து விட்டார் பரத் சீனி. "நடிக்க வாய்ப்பு வந்தாலும் சினிமா இயக்குனராவதுதான் என் கனவு. நிறைய கதைகள் வைத்திருக்கிறேன். வாய்ப்பு வரும்போது இயக்குவேன்" என்கிறார் பரத் சீனி.
0 comments:
Post a Comment