தமிழ் படங்களில் நடித்தது நன்றாக இருந்தது - கஜோல்
05 ஏப்,2017 - 17:12 IST
பாலிவுட்டின் கனவு கன்னியாக வலம் வந்தவர் நடிகை கஜோல். திருமணம், குழந்தை பிறப்பு என அடுத்தடுத்து குடும்ப பொறுப்புகள் வந்ததால் சினிமாவில் நடிப்பதை தவிர்த்தார். தற்போது மீண்டும் சினிமாவில் ரீ-என்ட்ரியாகியிருக்கிறார். அதுவும் முதல் ரீ-என்ட்ரி படம் தமிழில். ஏற்கனவே தமிழில் மின்சார கனவு படத்தில் நடித்த கஜோல், இப்போது தனுஷ் நடிப்பில் உருவாகி வரும் வேலையில்லா பட்டதாரி-2வில் நடித்துள்ளார். அதுவும் நெகட்டீவ் ரோலில் நடித்திருக்கிறார். இப்படத்தின் ஷூட்டிங்கை சமீபத்தில் நிறைவு செய்த கஜோல், மும்பையில் பத்திரிக்கையாளர்களை சந்தித்தார்.
கஜோலிடம் தமிழ் படமான விஐபி-2வில் நடித்த அனுபவம் பற்றி கேட்டபோது, அதற்கு பதில் அளித்து கஜோல் கூறியதாவது.... "விஐபி-2 படத்தில் நடிப்பதற்கு முதலில் பயந்தேன். ஏனென்றால் எனது ரோலை இப்படத்தில் சிறப்பாக செய்வேனா என்ற தயக்கம் இருந்தது. இருந்தாலும் படக்குழுவினர் கொடுத்த நம்பிக்கை மற்றும் அவர்களது ஊக்கம் என்னை நம்பிக்கையுடன் நடிக்க வைத்தது. நடிகர் தனுஷ் மற்றும் செளந்தர்யா ரஜினிக்கு பாராட்டுகள். இப்படத்தில் இருந்து நிறைய விசயங்கள் கற்று கொண்டேன். தமிழ் படங்களில் நடிப்பது நன்றாக இருந்தது" என்றார்.
‛விஐபி-2' படத்தில் நடிகர் தனுஷ் உடன் கஜோல், அமலாபால், சமுத்திரகனி, சரண்யா உள்ளிட்ட பலர் நடிக்கின்றனர்.
0 comments:
Post a Comment