ஹீரோவானார் அனுராதா மகன்

ஹீரோவானார் அனுராதா மகன்

05 ஏப்,2017 - 13:53 IST

எழுத்தின் அளவு:

பழம்பெரும் கவர்ச்சி நடிகையும், குத்தாட்ட நடிகையுமான அனுராதாவின் மகள் அபிநயஸ்ரீ நடிகையாக அறிமுகமாகி ஒரு சில படங்களில் நடித்தார். பின்னர் அம்மா வழியில் கவர்ச்சி நடனம் ஆடினார். தற்போது நடன இயக்குனராக இருக்கிறார். அனுராதாவின் இளைய மகன் கெவின் பூம் பூம் காளை என்ற படத்தின் மூலம் ஹீரோவாகியிருக்கிறார். சாரா தேவா என்ற புதுமுகம் அவருக்கு ஜோடியாக நடிக்கிறார். இவர்கள் தவிர ஆர்.சுந்தர்ராஜன், அப்புக்குட்டி, அருண், சச்சு, அபிநயஸ்ரீ உள்ளிட்ட பலர் நடிக்கிறார்கள். கே.பி.வேல்முருகன் ஒளிப்பதிவு செய்கிறார். பி.ஆர்.ஸ்ரீநாத் இசை அமைக்கிறார். ஒளிமார் சினிமாஸ் சார்பில் ஜே.தன்ராஜ் தயாரிக்கிறார். படத்தை பற்றி இயக்குனர் ஆர்.டி.குஷால் கூறியதாவது:

காதல் பொய்.. காமம் தான் நிஜம் என்று சொன்னால் உடனே பல பேர் எதிர்ப்புக்குரல் எழுப்புவார்கள். ஆனால் நிதானமாக யோசித்து பார்த்தால் இதில் உண்மையின் சதவீதம் தான் அதிகம் என்பது புரியும். 'பூம் பூம் காளை' படத்தின் மையக்கருத்தாக முன் வைத்திருப்பதும் இந்த விஷயத்தை தான். நாயகன், நாயகி இருவரும் திருமணம் முடித்து தேனிலவு செல்கிறார்கள். நாயகியோ கணவனுடன் அன்பாக பழகி, அதன்பின்னரே தாம்பத்ய உறவில் ஈடுபடவே விரும்புகிறாள். நாயகனோ திருமணம் முடிந்தபின் இனி அடுத்தது அந்த விஷயம் தானே. அது நடப்பது எப்போது என 'பூம் பூம் காளை'யாக அலைபாய்கிறான். முடிவில் என்ன நடக்கிறது என்பதுதான் கதை என்கிறார் இயக்குனர்.