முதன்முறையாக வில்லன் வேடத்தில் வடிவேலு!

முதன்முறையாக வில்லன் வேடத்தில் வடிவேலு!

16 ஏப்,2017 - 09:15 IST

எழுத்தின் அளவு:

ரீ-என்ட்ரியில் ஹீரோவாகத்தான் நடிப்பேன் என்று அடம் பிடித்துக்கொண்டி ருந்த வடிவேலு, தெனாலிராமன், எலி படங்களில் நாயகனாக நடித்தார். அதையடுத்து கத்திச்சண்டை, சிவலிங்கா படங்களில் காமெடியனாக நடித் துள்ளார். தற்போது விஜய்யுடன் அவரது 61-வது படத்தில் நடித்து வருகிறார். இதையடுத்து ஆர்கேவுடன் இணைந்து நீயும் நானும் நடுவுல பேயும் என்ற படத்தில் நடிக்க தயாராகிக்கொண்டிருக்கிறார் வடிவேலு.

இந்த படத்தில் காமெடியனாக இல்லாமல் இன்னொரு ஹீரோ போன்ற வேடத்தில் நடிக்கிறார் வடிவேலு. முக்கியமாக, இதுவரை வெறும் காமெடியனாக மட்டுமே நடித்து வந்துள்ள வடிவேலு, இந்த படத்தில் காமெடி வில்லனாக நடிக்கிறார். அந்த வகையில், அவரும், ஆர்கேவும் எதிரும் புதிருமான காமெடி வேடங்களில் நடிக்கிறார்கள். இந்த படத்திற்காக தனது கெட்டப்பையும் மாற்றும் வடிவேலு, வித்தியாசமான காஸ்டியூம்களில் தோன்றி கலக்கல் செய்யப்போகிறாராம்.