பிளாஷ்பேக் : 60 வருடங்களுக்கு முன்பு இந்தியாவுக்கு வந்த ஹாலிவுட் குரங்கு
16 மே,2017 - 12:08 IST
1955ம் ஆண்டு வெளிவந்த இந்திப் படம் இன்சானியத். இதில் திலீப்குமார், தேவ் ஆனந்த், விஜயலட்சுமி, பினாராய், மோகனா நடித்திருந்தனர். இந்தப் படம் சரித்திர கதையம்சம் கொண்டது. சோக படங்களில் நடித்து வந்த திலீப்குமார் முதன் முதலாக ஆக்ஷ்ன் ஹீரோவாக நடித்த படம்.
இந்தப் படத்திற்கு உள்ள ஒரு சிறப்பு அம்சம் என்னவென்றால் இதில் ஜிப்பி என்ற ஒரு மனித குரங்கு நடித்திருந்தது தான். ஹாலிவுட்டில் வெளியான டார்ஜான் உள்ளிட்ட பல படங்களில் நடித்திருந்த ஜிப்பி மனித குரங்கு உலக புகழ் பெற்றது. அதனை இந்தியா கொண்டு வந்து நம் படத்திலும் நடிக்க வைக்க வேண்டும் என்ற விரும்பியவர் நம்ம ஊர் இயக்குனரும், தயாரிப்பாளருமான எஸ்.எஸ்.வாசன். படத்தில் நடித்தவர்களை விட குரங்கிற்குதான் அதிக சம்பளம் கொடுக்கப்பட்டது என்பார்கள்.
இன்சானியத் படம் மிகப்பெரிய வெற்றி பெற்றது. வீட்டில் சேட்டை செய்யும் பிள்ளைகளுக்கு வடநாட்டு மக்கள் ஜிப்பி என்று பட்டப்பெயர் சூட்டுகிற அளவிற்கு படம் பிரபலமானது. இதே படத்தை தமிழில் தயாரிக்க வேண்டும் என்று எஸ்.எஸ்.வாசன் விரும்பினார். ஆனால் குரங்கிற்கு இந்திய தட்பவெட்பம் பிடிக்காமல் உடல்நலக்குறைவு ஏற்பட்டதால் அந்த திட்டத்தை கைவிட்டார். பின்னாளில் விலங்குகளை வைத்து எடுக்கப்பட்ட படங்களுக்கு இந்தப் படம் தான் முன்னோடி என்று குறிப்பிடுவார்கள்.
0 comments:
Post a Comment