துபாயில் படப்பிடிப்பை முடித்த சல்மான்
16 மே,2017 - 16:07 IST
ஏக்தா டைகர் படத்தின் தொடர்ச்சியாக அதன் இரண்டாம் பாகம் தற்போது டைகர் ஜிந்தா ஹே என்ற பெயரில் உருவாகி வருகிறது. அலி அப்பாஸ் ஜாபர் இயக்க, சல்மான்-கத்ரீனா ஜோடியே நடிக்கிறார்கள். முதற்கட்ட படப்பிடிப்பு இந்தியாவில் நடந்து முடிந்த நிலையில் அடுத்தக்கட்ட படப்பிடிப்புக்காக டைகர் ஜிந்தா ஹே படக்குழு துபாய் பறந்தனர். கடந்த சில நாட்களாக படப்பிடிப்பு துபாயில் பரபரப்பாக நடந்தது, ஆக்ஷ்ன் காட்சிகள் விறுவிறுப்பாக நடந்து வந்தது. இந்நிலையில் துபாயில் நடந்த படப்பிடிப்பை முடித்துள்ளார்கள். இதை இயக்குநர் அலி அப்பாஸ் ஜாபர் தன் டுவிட்டர் பக்கத்தில் தெரிவித்திருக்கிறார். அதோடு சல்மான் முகம் தெரியாமல், அவர் கையில் துப்பாக்கி வைத்திருக்கும் போட்டோ ஒன்றையும் வெளியிட்டுள்ளார். தொடர்ந்து அடுத்தக்கட்ட படப்பிடிப்பு விரைவில் ஆரம்பமாக உள்ளது. இந்தாண்டு இறுதியில் படத்தை ரிலீஸ் செய்ய உள்ளனர். டைகர் ஜிந்தா ஹே படத்தை ஆதித்யா சோப்ரா தயாரிக்கிறார்.
0 comments:
Post a Comment