ரஜினிக்கு அடுத்து விஜய்யை தேர்ந்தெடுத்த சன் நிறுவனம்

டிவி உலகில் இந்தியளவில் பிரபலமான நிறுவனம் சன் டிவி.

இந்த நிறுவனம் கடந்த 2008ஆம் ஆண்டு காதலில் விழுந்தேன் என்ற படத்தை விநியோகம் செய்து திரையுலகில் காலடி வைத்தது.

அதனைத் தொடர்ந்து விஜய் நடித்த வேட்டைக்காரன் மற்றும் சுறா, அஜித் நடித்த மங்காத்தா, சூர்யா நடித்த அயன் உள்ளிட்ட 23 படங்களை சன் பிக்சர்ஸ் விநியோகம் செய்துள்ளது.

ஆனால் அந்நிறுவனம் தயாரித்த ஒரே படம் ரஜினி-ஷங்கர் கூட்டணியில் உருவான எந்திரன் தான். இப்படம் கடந்த 2010ஆம் ஆண்டு வெளியானது.

தற்போது 7 வருடங்களுக்கு பிறகு விஜய், ஏஆர் முருகதாஸ் கூட்டணியில் உருவாகவுள்ள தளபதி62 படத்தை தயாரிக்க முன்வந்திருப்பது குறிப்பிடத்தக்கது.

Sun Pictures selected Vijay after Rajinikanth