திருமண விழாக்களில் நடனமாடிய நவாசுதீன் சித்திக்
30 ஜூன், 2017 - 14:05 IST
பாலிவுட்டில் பிரபலமான நடிகர் நவாசுதீன் சித்திக். வித்தியாசமான கதாபாத்திரங்களில் நடித்து பெயர் பெற்றவர். இன்றைக்கு பெரிய சினிமா ஸ்டாராக இருப்பவர், ஆரம்பத்தில் திருமண நிகழ்ச்சிகளில் நண்பர்களுடன் சேர்ந்து நடனம் ஆடினாரம்.
இதுகுறித்து நவாசுதீன் கூறியிருப்பதாவது... "நான் சின்ன பையனாக இருக்கும் போது நண்பர்களுடன் இணைந்து திருமண நிகழ்ச்சிகளில் நடனம் ஆட செல்வேன். எங்களது ஆட்டத்தை பார்த்து ரசிகர்கள் மகிழ்ச்சியில் ரூபாய் நோட்டுகளை வீசுவர். ஆளுக்கு ரூ.2, ரூ.3 வீதம் சரி பாதியாக பிரித்து கொள்வோம். அப்போது அந்த ரூபாயே எங்களுக்கு பெரிய மன நிறைவு தந்தது" என்றார்.
நவாசுதீன் சித்திக், தற்போது டைகர் ஷெரப் உடன் இணைந்து முன்னா மைக்கேல் என்ற படத்தில் வில்லனாக நடித்துள்ளார். இப்படம் ஜூலை 21-ம் தேதி ரிலீஸாக உள்ளது.
0 comments:
Post a Comment