Tuesday, December 20, 2016

மம்முட்டி-2016 ; ஒரு பார்வை


மம்முட்டி-2016 ; ஒரு பார்வை



20 டிச,2016 - 11:43 IST






எழுத்தின் அளவு:








கடந்த வருடம் ஆறு படங்களில் நடித்த மம்முட்டி அதில் 'பாஸ்கர் தி ராஸ்கல்' படம் மூலம் மீடியமான வெற்றியையும், வருட இறுதியில் வெளியான 'பத்தேமாறி' படத்தில் சூப்பர்ஹிட் வெற்றியையும் சம்பாதித்தார். இன்னும் சில தினங்களில் காலண்டர் மாறப்போகிறது. 2017ஆம் வருடம் பிறக்கப்போகிறது. இந்த ஆண்டு மலையாள மெகாஸ்டார் மம்முட்டிக்கு எத்தகைய ஆண்டாக அமைந்துள்ளது என்பது பற்றிய ஒரு சின்ன அலசல் தான் இது.


இந்த வருடத்தில் மம்முட்டியின் முதல் படமாக வெளியான 'புதிய நியமம்' மிகப்பெரிய எதிர்பார்ப்பை ஏற்படுத்தி, ஏமாற்றத்தையே தந்தது. காதாசிரியர் ஏ.கே.சாஜன் டைரக்சன், நயன்தாரா கதாநாயகி என்கிற பில்டப்புடன் வெளியான இந்தப்படத்தில் மம்முட்டியின் கதாபாத்திரம் கிட்டத்தட்ட இருட்டடிப்பு செய்யப்பட்டது போலவும், நயன்தாரா சில மிருகங்களால் பாலியல் வன்முறைக்கு ஆளாவதுமாக திரைக்கதை அமைக்கப்பட்டிருந்த விதம் ரசிகர்களை ஈர்க்கவில்லை.


அடுத்து வெளியான 'கசபா' படமும் இதேபோன்ற எதிர்பார்ப்பை ஏற்படுத்தியது.. காரணம் மம்முட்டி அதிரடி போலீஸ் அதிகாரியாக நடித்திருந்தார். இந்தப்படம் வெளியான நாள் முதல் மகளிர் அமைப்புகளிடம் வாங்கி கட்டிக்கொண்டதுதான் மிச்சம். அதேபோல மம்முட்டி நடிப்பில் கடந்த சில மாதங்களுக்கு முன் வெளியான 'ஒயிட்' என்கிற படம் வந்ததும் தெரியவில்லை.. போன சுவடும் தெரியவில்லை. கடந்த வருடமே எடுத்து முடிக்கப்பட்ட அந்தப்படத்தை இத்தனை தாமதமாக வெளியிட்டபோதே அதன் லட்சணம் என்ன என்பதை ரசிகர்கள் நன்றாகவே யூகித்திருன்தனர்.. யூகித்தது போலவே ஆகிற்று.


கடந்த ரம்ஜான் பண்டிகை கொண்டாட்டமாக வெளியான 'தோப்பில் ஜோப்பன்' படம் கொஞ்சம் மரியாதையான வெற்றியை தந்து மம்முட்டியையும் அவரது ரசிகர்களையும் தலைநிமிர வைத்தது.. தற்போது அவர் நடித்துள்ள 'தி கிரேட் பாதர்' படம் கட்டாயம் சூப்பர்ஹிட் ஆகும் என சொல்லப்படும் நிலையில் அதன் ரிலீஸ் வரும் ஜனவரி-27க்கு மாற்றப்பட்டு விட்டது. இதுதவிர தமிழில் ராம் இயக்கத்தில் நடித்துள்ள 'பேரன்பு' படமும் அடுத்த வருட ரிலீசுக்கு தயாராகி வருகிறது.



0 comments:

Post a Comment