ஆண்டு இறுதியில் ரிலீசுக்கு முண்டியடிக்கும் படங்கள் - டிச.,30-ல் 10 படங்கள் ரிலீஸ்
20 டிச,2016 - 13:54 IST
புயல், மழை, பணத் தட்டுப்பாடு, முதல்வர் மறைவு இவற்றால் டிசம்பர் மாதம் படங்களின் வெளியீடு மந்தமாக இருந்தது. இப்போது இந்த பிரச்னைகள் ஓரளவு சரியாக இருப்பதாலும், ஆண்டு இறுதி நெருங்குவதாலும் ஏராளமான படங்கள் ரிலீசுக்கு முண்டியடித்துக் கொண்டிருக்கிறது.
வருகிற 23ந் தேதி கத்திச் சண்டை, பலே வெள்ளையத்தேவா படங்கள் வெளிவருவதாக அறிவித்திருந்தது. இப்போது திடீரென கன்னிச்சாமி, மணல் கயிறு 2, நேர்முகம், குற்றம் 23 படங்கள் இணைந்திருக்கிறது.
இந்த வருடத்தின் கடைசி வெள்ளிக்கிழமையான வருகிற 30ந் தேதி விஜய் வசந்த், சிருஷ்டி டாங்கே நடித்துள்ள அச்சமின்றி, சிபிராஜ் நடித்துள்ள கட்டப்பாவ காணோம், நட்டி நடித்துள்ள போங்கு படங்களுடன் புதுமுகங்களின் வினயன், துருவங்கள் பதினாரு, மியாவ், தலையாட்டி பொம்மைகள், மோ, ஏகனாபுரம் சூரத்தேங்காய் என 10 படங்கள் வெளிவருவதாக அறிவித்துள்ளன.
ஒரே நாளில் 10 படங்கள் வெளிவருவதால் கடுமையான தியேட்டர் தட்டுப்பாடு ஏற்பட்டுள்ளது. பெரும்பாலான படங்கள் 50 முதல் 100 தியேட்டர்களுக்குள் வெளிவருகிறது. கட்டப்பாவ காணோம், போங்கு, அச்சமின்றி படங்கள் 150 முதல் 200 தியேட்டர்கள் வரை வெளிவருகிறது.
0 comments:
Post a Comment