500 படங்களுக்கு மேல் நடித்த மலையாள நடிகர் ஜெகநாத வர்மா காலமானார்..!
20 டிச,2016 - 16:01 IST
மலையாள சினிமாவின் சீனியர் குணச்சித்திர நடிகர் ஜெகநாத வர்மா இன்று(டிச.,20) காலை காலமானார்.. 77 வயதான இவர் மலையாள சினிமாவில் அனைத்து முன்னணி நட்சத்திரங்களின் படங்களிலும் தவறாது இடம்பெற்று நடித்து வந்தார். பெரும்பாலும் இவருக்கு போலீஸ் உயர் அதிகாரி, ஜட்ஜ் அல்லது மத தலைவர் போன்ற கேரக்டர்களே அதிகம் கொடுக்கப்பட்டன. அதற்கேற்றார்போல ஜெகநாத வர்மாவும் போலீசில் பணிபுரிந்து ரிட்டயர்டு ஆனபின்னரே சினிமாவில் அடியெடுத்து வைத்தாராம்.
இவர் நடித்த படங்களில் மதிலுகள், சாம்ராஜ்யம், நியூடெல்லி, யோதா, நரசிம்மம், பிரஜா, பத்ரா, லேலம், கிறிஸ்டியன் பிரதர்ஸ் ஆகிய படங்கள் குறிப்பிடத்தக்கவை. 1978ல் நடிக்கக ஆரம்பித்த இவர் இதுநாள் வரை சுமார் 575 படங்களிலும் நிறைய தொலைக்காட்சி தொடர்களிலும் நடித்துள்ளார் அதுமட்டுமல்ல, முறைப்படி கதகளி கற்றவரும் கூட. மேலும் செண்ட மேளம் வாசிப்பதிலும் வித்தகர். பிரபல மலையாள இயக்குனர் விஜி தம்பி இவரது மருமகன் ஆவார். சமீபகாலமாகவே நிமோனியாவால் பாதிக்கப்பட்டு சிகிச்சை எடுத்துவந்த இவர் இன்று காலை சிகிச்சை பலனின்றி காலமானார்.
0 comments:
Post a Comment