சசிகுமாருக்கு அம்மாவான ரோகினி!

சசிகுமாருக்கு அம்மாவான ரோகினி!

19 டிச,2016 - 15:35 IST

எழுத்தின் அளவு:

மாஜி ஹீரோயின்கள் பலரும் ரீ-என்ட்ரி கொடுத்து வரும் நிலையில், சிலர் அம்மா வேடங்களில் நடிப்பதற்கு மறுத்தபோதும், சிலர் இளவட்ட நடிகர்களுக்கு அம்மாவாக நடிப்பதற்கு ஓகே சொல்லி வருகிறார்கள். அந்த வரிசையில், நடிகை ரோகினியும் இடம்பிடித்துள்ளார். தற்போது அவர் பலே வெள்ளையத்தேவா படத்தில் சசிகுமாரின் அம்மாவாக நடித்துள்ளார்.

இதுபற்றி ரோகினி கூறுகையில், சசிகுமார் படங்களின் பெரிய ரசிகை நான். அவர் படத்தில் என்னை நடிக்க அழைத்தபோது ரொம்ப சந்தோசமாக ஸ்பாட்டுக்கு சென்றேன். மகளிர் மட்டும் படத்தில்தான் இந்த மாதிரியான ஒரு சூழல் இருந்தது. நடிக்கும்போது நடிக்கிற மாதிரியே இருக்காது. நாங்கபாட்டுக்கு ஜாலியாக ஜோக்கடிச்சிக்கிட்டே இருப்போம். நாங்க பேசினதே படத்துல வந்த மாதிரியும் இருக்கும். அந்த அளவுக்கு அந்த படத்தை இன்னைக்கும் ரசிச்சு பார்க்கிறாங்க. அந்த அளவுக்கு நாங்களும் ரசிச்சு அந்த படத்தில் நடித்தோம்.

இந்த படத்தின் லொகேசனில் என் பிரண்டு கோவை சரளாவைப்பார்த்ததும் ரொம்ப சந்தோசமாயிடுச்சு. அவரது பாட்டி கெட்டப் சூப்பராக இருந்தது. மேலும், இந்த படத்தில் நான் சீரியசான அம்மா வேடத்தில் நடித்திருக்கிறேன். ஆனபோதும் ரொம்ப சீரியஸ் வேண்டாம் என்று என்னை கண்ட்ரோல் பண்ணி நடிக்க வைத்தனர். நான் ஒருத்தரை பார்த்து அடின்னு சொன்னா ஏன் எதுக்குன்னு கேட்காம அடிக்கிற மகனாக சசிகுமார் நடித்துள்ளார். ஸ்ட்ராங்கான அம்மா வேடம். அதை என்னுடைய பாணியிலேயே நடிச்சேன். டைரக்டர் பிரகாசும் அந்த ரோலை ரொம்ப அழகாக கொண்டு போனார். ரொம்ப தெளிவாக படமாக்கினார். எனக்கும் கொஞ்சம் காமெடி இருந்தபோதும், சீரியஸ்தான் அதிகமாக இருக்கும். என் நடிப்பை திரையில் பார்ப்பதற்கு நானும் ஆவலாக காத்திருக்கிறேன் என்கிறார் ரோகினி.