இணையதளங்களில் பரபரப்பு கிளப்பும் அஜித்தின் பைக் சாகசம்
19 டிச,2016 - 10:17 IST
அஜித் தற்போது பெயரிடப்படாத படத்தில் நடித்து வருகிறார். வீரம், வேதாளம் படங்களை இயக்கிய சிவா இயக்கும் இந்தப் படம் ஹாலிவுட் ஜேம்ஸ்பாண்ட் படங்கள் பாணியிலான படம். இதில் அஜித் இண்டர்போல் அதிகாரியாக நடித்து வருகிறார். அஜித்துடன் காஜல் அகர்வால், அக்ஷ்ராஹாசன் நடிக்கிறார்கள். பாலிவுட் நடிகர் விவேக் ஓபராய் வில்லனாக நடிக்கிறார்.
இதன் படப்பிடிப்பு ஜரோப்பிய நாடுகளில் நடந்து வருகிறது. தற்போது பல்கேரியா நாட்டில் படப்பிடிப்பு நடந்து வருகிறது. படப்பிடிப்பு தொடர்பான புகைப்படங்கள் அவ்வப்போது இணைய தளங்களில் வெளிவந்த வண்ணம் இருக்கிறது. தற்போது அஜித் பைக்கில் சாகசம் செய்யும் காட்சி ஒன்று வீடியோவாக வெளியாகி உள்ளது. 29 விநாடி நீளம் கொண்ட இந்த காட்சியில் அஜித் பைக்கை ஓட்டிவந்து வீலிங் செய்யும் த்ரில் காட்சியும் இடம்பெற்றுள்ளது. இது இணையதளங்கில் வைரலாக பரவி வருகிறது.
சில தினங்களுக்கு முன்னர், அஜித் தனது பைக்கில் சாகசம் செய்ததையும், அவரது எளிமையையும் வெகுவாக புகழ்ந்திருந்தார் பிரபல சண்டை பயிற்சியாளரும், பைக் சாகச வீரருமான ஜோரியன் என்பது குறிப்பிடத்தக்கது.
0 comments:
Post a Comment