4 வருடங்கள் கழித்து மீண்டும் இணைந்த பிருத்விராஜ்-மம்தா ஜோடி..!
07 பிப்,2017 - 11:52 IST
மலையாள சினிமாவை பொறுத்தவரை 'மேட் பார் ஈச் அதர்' என சொல்லப்படுகின்ற மிகச்சில ஜோடிகளில் பிருத்விராஜ்-மம்தா மோகன்தாஸ் ஜோடியும் ஒன்று. அன்வர், செல்லுலாய்ட் ஆகிய படங்களில் இணைந்து நடித்த இந்த ஜோடி நான்கு வருடங்கள் கழித்து மீண்டும் இணைந்திருக்கிறது. படத்தின் பெயர் 'டெட்ராய்ட் கிராஸிங்'. அவரது பாசறையில் இருந்து இப்போது இயக்குனராக மாறியுள்ளார் பிருத்விராஜ் - நிவின்பாலி இருவரும் இணைந்து நடித்து, கடந்த 2015ல் வெளியான 'இவிடே' படத்தில் இணை இயக்குனராக பணிபுரிந்த நிர்மல் சகாதேவ் என்பவர் தான் இந்தப்படத்தை இயக்க உள்ளார்.
அமெரிக்காவின் மெக்ஸிகன மாகாணத்தில் உள்ள டெட்ராய்ட் நகரில் உள்ள ஸ்ட்ரீட் கேங்ஸ் பற்றிய கதை தான் இது. அதனால் தான் படத்திற்கு 'டெட்ராய்ட் கிராஸிங்' என டைட்டில் வைத்துள்ளனர். டெட்ராய்டில் பல்வேறு ஸ்ட்ரீட் கேங்ஸ் இயங்கி வருகின்றன. அங்கே நம் தமிழ் ஆட்களும் தனித்தனியாக ஸ்ட்ரீட் கேங் உருவாக்கி வைத்துள்ளார்களாம். இவர்களுக்குள் நடக்கும் மோதல், இந்த கேங் ஒன்றில் இருக்கும் நாயகன் பிருத்விராஜ், இதில் இருந்து எப்படி வெளிவருகிறார் என்பது தான் படத்தின் கதையாம். இது மலையாளப்படம் தான் என்றாலும் முழுக்க முழுக்க வெளிநாட்டில் படமாக்கப்பட்டாலும் கூட ஆச்சர்யமாக தமிழ் சம்பந்தமான விஷயங்கள் தான் படத்தில் நிறைய இருக்கிறதாம். அதனால் படத்தையும் மலையாளம், தமிழ் என இருமொழியில் உருவாக்குகிறார்களாம்.
0 comments:
Post a Comment