பிரியங்காவுடன் மோதலா...? - தீபிகா பதில்
28 பிப்,2017 - 16:43 IST
பாலிவுட்டின் முன்னணி நடிகைகளான தீபிகாவும், பிரியங்காவும் இப்போது ஹாலிவுட் நடிகைகளாக மாறிவிட்டனர். இருவரும் அவரவர் படங்களில் பிஸியாகத்தான் உள்ளனர். ஆனாபோதும், தீபிகா, பிரியங்கா இடையே ஒருவித பனிப்போர் நீண்டநாட்களாகவே நீடித்து வருவதாக பாலிவுட்டில் பரவலாக பேசப்படுகிறது. இதுப்பற்றி சமீபத்தில் அளித்த பேட்டி ஒன்றில் தீபிகாவிடம் கேட்டபோது, அவர் கூறியதாவது...
ஒவ்வொரு முறையும் நான் ஏதாவது படிக்கும் போது நாங்கள் இருவரும் நண்பர்களாக இருக்கிறோம் என்று ஒருமுறை கூட படித்தது கிடையாது. பிரியங்கா என்பவர் ஒரு நடிகை, அவரை எனக்கு பல ஆண்டுகளாக தெரியும். இருவரையும் ஒப்பிடும் போது வித்தியாசமாக உணர்வேன், ஆனால் அதைப்பற்றி நான் கவலைப்பட மாட்டேன், நாங்கள் இருவரும் நடிகைகள், தொழில் ரீதியாக இருவருக்கும் போட்டிகள் இருக்கும், மற்றபடி வேறு எதுவும் கிடையாது. அவர், அவருக்கான வாய்ப்பை சரியாக பயன்படுத்தி வருகிறார். அதேப்போல் நான் எனக்கான நேரம், வாய்ப்பை சரியாக பயன்படுத்தி வருகிறேன்'' என்று கூறியுள்ளார்.
தீபிகா படுகோனே, தற்போது சஞ்சய் லீலா பன்சாலி இயக்கத்தில் ‛பத்மாவதி' என்ற சரித்திர படத்தில் நடித்து வருகிறார். இப்படம் இந்தாண்டு நவ., 17-ம் தேதி ரிலீஸாக இருக்கிறது.
0 comments:
Post a Comment